Стоглав. Продолжение.

ОТВЕТ О ПРИХОДЯЩИХ СВЯЩЕННИКЕХ И ДИЯКОHEX. ГЛАВА 51 

Да тем же духовным пастырем и соборным старцом по всем честным монастырем по общим и по особь сущим соборне бречи о церковном чину о приходящих свящеаницех и дияконех, хотящих в тех монастырех во святых церквах священство ват и и вся священническая действовати. И тем духовным пастырем у приходящих священников и у дияконов ставленых и отпустных грамот дозирати, и у которых священников и у дияконов ставленые и отпустные грамоты будут, и оне тем повелевают во святых церквах служити и вся священническая действовати, а у которых священников и у дияконов ставленых и отпустных не будут и им тем попом и дияконом служити не велели. И который духовный настоятель повелит таким попом и дияконом у которых ставленых и отпустных не будет во святых церквах слулсити и вся священническая действовати кроме священных правил, и тем духовным настоятелем и с теми священники и дияконы быти во отлучении по священным правилом. И о том бы духовные пастыри брегли накрепко, чтобы однолично священником и дияконом без ставленых и без отпусных служити не велели.

 

ОТВЕТ О ПИЯНСТВЕННОМ ПИТИИ. СОБРАНИЕ ОТ БОЖЕСТВЕННАГО ПИСАНИЯ ЯКО НЕ ПОДОБАЕТ ВО ОБИТЕЛИ ПИТИЮ БЫТИ ОТ НЕГОЖЕ ПИЯНЬСТВО БЫВАЕТ. ГЛАВА 52 

Понеже бо пьянство начало и конец всем злым. Того ради Господь наш Исус Христос глаголет: «Блюдите себе, да не когда отягчают сердца ваша объядением и пьянством». И апостол Павел глаголет: «Не упивайтесь вином — в немже есть блуд». И паки рече: «Пияницы и блудницы царства небесного не наследят». Потом же великий Семион Дивногорец, славный чюдотворец, от рече: «Похвала мнихом не пити вина. И во старчестве речено быстъ: аще мних ecu, то бегай от вина аки от змия». Такоже святому великому Василию кесарийскому явися пречистая Богородица во сне, глаголя: «Аще хочеши друг мой быти и во всем помощницу мя имети, то отрцыся вина и пьянственнаго пития». Он же возбнув дивися заповеди пречистыя Богородица и до кончины живота своего заповедь пречистыя Богородица соблюде не пияше вина. И сия сам Христос отрече и пречистая Богородица, и божественнии апостоли, и святии его пиянственное питие не токмо простым но и святым его. Коль же паче нам слабым суще в нынешнем последнем роду от таковых удалятися и бегати, аки от змия пъянственнаго пития. И великий Василий глаголет: «Яко дым прогонит пчелы, тако и пьянство святого Духа прогонит, понеже пьянство есть дверь страстем, осквернением вождь, блуду делатель, волны сквернением, море помыслом, глубина неизреченных нечистот, блядословие, смехотворение, нечювствием дерзость, несытство, безболезнение душевное, напоминание смертное, безнадежие и отчаяние, иже всех лютейши, от негоже бывает души падение и ума преступление». Глаголет же святый Иоан Златоуст: добре убо рече святый апостол Павел, понеже убо многащи глаголах. Ныне же плача глаголю о вразех креста Христова, имже бог чрево и слава студ их, иже бо чрево насыщаяй излишне и блудно и пьянственно живый сей есть враг Христов. Объядайяся и упивайяся тело погубляет с душею. Видите, яко упивайяся беснаго горши есть, бес бо божиим Упущением томит человека, а пьянственный же самохотением огубляегся, слины бо в нем возгнившаяся смрадом воняют, и рыгание зло, яко скотина; то помысли как пьянаго душа, яко в яме и тине грязнет в телесе. Мнози убо неразумный глаголют, яко той праздник честен есть, да пием и веселимся. Разумейте сами, безумнии, что cue глаголете. Яко оставльше праздники божий и дияволу угожаете, яко паче Христа изволисте дияволу работати. Праздники же не божия чтете, но диаволя, егда ся объядаете и упиваете и блудите. Аще бо в церковь входите како бога прославите поведите ми, яко пияна смрад отрыгающаго толма бо ненавидит бог пиянаго, якоже ся мы гнушаем пса мертва смердяща. Хотяй же всех сих избыти, да возненавидит пиянство, и сим змиеву главу отрежет и все тело сокрушит. Подобает же убо прежде всех много попечение и тщание имети о сем, яко да не будет в обители, ниже в трапезе, ни в келиях пития, от негоже бывает пьянство, яко да не будет врагом нашим в посмех и в поругание чювственным же и мысленным. Аще бо и правила святых отец и типицы великих монастырей повелевают иноком пити вино в подобно время егда подобает, а не всегда. Овогда же по три чаши, овогда по две, овогда по единой. Имеяху бо вино во всех монастырех и в древних и в нынешних, но до пиянства его не пияху. Якоже свидетельствуют мнози человецы благородный, такоже и иноцы бывший в Констянтине граде и во святей горе Афонстеи, и во иных тамошних местех, яко не токмо иноцы, но и ecu православнии .християне пиянства ненавидят и гнушаются, и вино убой ecu имеют от пьянства же, аки от тлетворного недуга отбегают. Таков убо обычай земля тоя, и се есть неписан закон земский обычай, и ин закон: аще имеем питие пьянственное, не можем воздержатися, но пием до пьянства. А еже повелевают отцы святии пити по чаши или по две, или по три, сего мы ниже слышати хощем, ниже ведаем меру чаш онех, но сицева мера наша есть егда пияни — будем, якоже себе не познати, ниже помнити множицею даже и до облевания, и тогда перестанем пити. И таковаго ради обычая и погибельного права и греховного навыковения не подобает во обители имети пиянственнаго пития, яко да не в конечную погибель и в блудный ров впадем, еже от пьянства случается бывати, подобает же убо соборным братиям попечение о сем имети. Яко да увидят брата пияна на монастыри или где инде, или уведают у кого питие, или видят на трапезе питие, от негоже пьянство бывает, они же никакоже да умолчат, но да возбранят и запретят ктому таковая не творити. И того ради духовные пастырие честныя архимариты и игумены и строители многих святых честных монастырей общих и особь сущих собравшимся во царствующем граде Москве в царских палатах по совету благочестивого царя государя великого князя Ивана Васильевича всея Русии самодержца и по благословению отца его преосвященного Макария митрополита всея Русии и всего священного собора самобывшим ту архиепископом и епископом руския митрополия, якоже и преди рекохом, соборне изволиша ecu бога ради и своего ради спасения душевного вкупе и телесного, и брегучи церковных чинов по священным правилом и монастырского строения и своей братии о Христе единородных и безсмертных душ по господни заповеди, отныне изволиша с божиею помощию, доколе господь повелит и поможет, в митрополии и во архиепископьях, и епископьях, и по всем святым честным монастырем общим и особь сушим, такоже и по девичим монастырем общим и особь сущим пиянственнаго пития, сиречь хмельного и вина горячаго, не держати и не пити, а держати и пити святителем и по всем святым монастырем и священноиноком, и дияконом, и иноком, и игуменьям, и старицам житныя и медвеныя всякия квасы по своим обиходом, а фряжьские вина, где обрящутся, да испивают якоже устав повелевает в славу божию, а не в пиянство, занеже пьянственное питие всем вконец отречено бысть по священным правилом святых апостол и святых отец, нигде бо рече божественное писание, что не пити вина, но не пити вина в пиянство. А по которым святым честным монастырем общим и особь сущим духовные настоятели архимариты и игумены кийждо их о Христе с своею братиею производят и восхотят по евангелию вконец нестяжательное и совершенное общежительство имети и проходити бога ради церковныя чины и монастырские службы; и строение, и о пищи и о одежи, и о всяком келейном пребывании, и о всем по преданию святых апостол и богоносных святых отец по священным правилом ничтоже претворяюще, якоже и преди рехом, и таковии от господа бога сугубую мзду восприимут противу своих трудов, и царству небесному наследницы будут со всеми святыми в безконечныя веки. Аминь. А у живоначальные Троицы в Сергееве монастыре о гостех и о келарской закон не лежит, занеже то место чюдотворное. И гости безпрестанные день и нощъ, и они живут по чюдотворцову уставу. Да в великих же честных монастырех стригутся князи и бояре и приказные люди великие и немощи или при старости, и дают вкупы великие и села вотчинные по своих душах и по своих родителех в вечной поминок, и тем за немощь и за старость законов не полагати о трапезном хождении и о келейном ядении; покоити их по разсужению ествою и питием, про таких держати квасы сладкие и черствые, и выкислые — кто какова требует, и ества такоже, или у них лучится свой покой, или от родителей присылка, и о том их не истязати же.

 

О СВЯТИТЕЛЬСКОМ СУДЕ СОБОРНОЙ ОТВЕТ ОТ СВЯЩЕННЫХ ПРАВИЛ АПОСТОЛЬСКИХ И ОТЕЧЕСКИХ И ОТ ЗАПОВЕДЕЙ БЛАГОЧЕСТИВЫХ ЦАРЕЙ. ОТ ПРАВИЛ СВЯТЫХ АПОСТОЛ. ГЛАВА 53 

Яко не подобает князем и бояром, и всяким мирским судьям, священнического и иноческаго чина на суд привлачати, ниже таковым судити, да не обладает ими никтоже от простых людей; точию великая святая соборная церковь обладает и судит таковым по закону священных правил, а от простых людей ни князь, ни боярин, ни всяк мирский судья да не обладает иерея, ниже монастыри, ниже мниси; сия вся освященная богови и возложена суть святителем, и никтоже ими обладает от мирских, яко не неосвященная священная возноситца. Ниже от церкви да приемлют что, аще ли и создатели церкви, или монастыреви суть, точию единого благословения церковного и приношения, и се узаконено со страхом приимати и со благословением архиереовым или иереовым. Аще ли кто и покусится что взяти от церкви чрез благословение архиереево или иереево, кроме закона церковного, таковый ничему подобен есть точию священная крадущему, и скверно стяжателем, и иноверным человеком. И сии убо татие суть, и хищницы, и разбойницы церковнии, паче же и разбойницы церкви божий. И сия аще кто сотворит и таковии, аще не покаются, пагубу наследуют; сице бо и господь наш Исус Христос заповеда рек: отдадите кесерева кесарю а божия богови.

 

О ТОМ ЖЕ СВЯТИТЕЛЬСКОМ СУДЕ ОТ СВЯЩЕННЫХ ПРАВИЛ СВЯТЫХ АПОСТОЛ. ВТОРАГО ПРАВИЛА. ТОЛК. ГЛАВА 54 

Божественная писания и священная правила и законы не повелевают мирским судьям судити священников и прочих причетников и иноков, но вся священная мужи и прочия вся церкви, большая же и молитвенныя храмы и сих область и господства все и владычество и управление попеченое, местным епископом повелевают имети. И аще причетник с причетником прю имать: да не оставляет своего епископа и на мирская судища да не приходит, но да судит их епископ или в себе место кому прикажет сих судити. Такоже и иноцы и прочий церковнии людие: да судит их епископ их или в себе место повелит кому судити их. Аще ли причетник прю имать с своим или с инем епископом, да судит их митрополит тоя области своими епископы собором. Аще ли причетник или епископ прю имать с митрополитом, патриарх их судит; и митрополит убо в своей области под собою имать епископы и сих собирает, и поставляет, и управляет. Епископы же в своих пределех под собою имеют вся церкви и монастыри, и иноки, и причетники, и сих собирают. Мирстии же властели всех чины и власти прираэящейся, ссужаются в сем веце и в будущем, якоже писано есть в заповедех святых апостол, яко восхищен недарованная им раздражают бога, якоже Дафан и Авирон, и Корей, и их сыново советницы, и Озия царь. Страшно убо и бедно есть мирским человеком ко священным вещем прикасатися; но ни дьякону убо приносили жертвы несть достойно, ни крестити кого, ни благословения, мала и велика сотворити; такоже ни пресвитеру несть достойно наставления творити и развращати чин священнический, яко дерзнувшей на таковая не с нами борются, но с великим архиереом Х.ристом. Аще бо Филипп скопца крестил, и Анания мене Павла, но не сама собе восхитиста святительского сана, но от бога прияста власть от несочетаннаго архиерея. Мирским же наипаче не подобает к священным чином и властем, и степенем и причтом прикасатися или судити сих и управляти. Аще и согрешит от сих кто, от бога истязан будет, и паки в тех же апостольских заповедех глаголет, яко кождо в даннем ему чину да пребывает, и не преступайте заповедей, не суть бо наша, но божия, яко рече господь: «Слушаяй вас мене слушает, и слушаяй мене слушает пославшаго мя; и отмотайся вас, мене отметается; отметаяйжеся мене, отметается пославшаго мя».

 

О ТОМ ЖЕ СВЯТИТЕЛЬСКОМ СУДЕ ОТ СВЯЩЕННЫХ ПРАВИЛ СОБОРА ИЖЕ В ХАЛКИДОНЕ ПРАВИЛО 9. ГЛАВА 55 

Аще о чем прятся причетники, да не приходят к мирским судьям, но к своему епископу. Аще некий причетник с причетником прю имать, да не оставляет своего епископа и мирским судилищам не прирыщет, но преже да скажет вещи своему епископу, да велением того епископа приидут, обои хотяще претися, да разсудит я епископ с начальными его попы; аще ли кто чрез се сотворит, правильным запрещением да есть повинен; аще ли причетник иматъ прю с своим епископом или с попом, пред областным собором да прется. Толк. Аще причетник имать нечто на причетника, не подобает ему судитися пред мирскими судиями, но от своего епископа. Аще ли к мирскому судищу приступят, по правилом запрещение да приимут. Такоже причетник аще имать нечто на своего епископа, егда уречен-ное время соберутся веся области епископи пред собором, да судятся. Иже аще епископ или причетник с митрополитом имать некая распря, от патриярха всея тоя земли да судится; под ним же суть епископи и митрополиты всея области и страны тоя или от патриярха Констентина града, да судятся. Сия бо власть от инех патриярх никому же едана бысть, ни от правил, ни от закона, еже судити митрополита под инем патриярхом, суща другому патриярху, но токмо Констентина града патриярху се дано есть.

 

О ТОМ ЖЕ СВЯТИТЕЛЬСКОМ СУДЕ СОБОРА ИЖЕ В КАРФАГЕНЕ ПРАВИЛО 15. ГЛАВА 56 

Епископом, прозвитером и дияконом не подобает отрицатися церковного судища. А ще кто от них оклеветаем о гресе, церковный оставит суд, и ко градцким приступит судиям, и пред теми исповестъ и судится; аще неповинен явится и осужден будет от градцких судей, свой погубит степень. Аще не о гресех будет вина, но о имении или о злате, или о инех мирских вещех, и прилучится ему таковых препрети и оправдану быти, подобно ему судища оставльшу и мирским судиям приступльшу и от тех судившуся, аще убо хощет тех суд держати и вопросит имение или злата, или иного что, о нем же препрев оправдан бысть, свой степень погубит; аще же преобидив мирский суд и не возмет ничтоже, о нихже оправдан бысть, в Своем степени да пребывает. О том же. Яко не подобает мирским судиям священнического и иноческаго чина судити, ниже на суд привлачати святаго пятого собора от заповедей святых отеу, 165, тамо бо речено бысть: аще ли кто и сану преобидити начнет или суды восхощет церковные и оправдание, или привлачающи насилием епископа, или попа, или дьякона, или всякого просто рещи священного, или монастырем данное, граблением и насилием дея, и отымая от них все даемое Христови, да будет проклят.

 

О ТОМ ЖЕ ОТ КНИГ ИУСТИНИЯНА ЦАРЯ. ПРАВИЛО 74. ГЛАВА 57 

Аще ли кто божественным тайнам или иным святым службам совершаемым, во святую церковь вшед, или епископу, или причетникам, или инем слугам церковным досаду нанесет, повелеваем убо сего муками казнити и в заточение послати. Аще же и божественныя тайны и службу божественную смятет или совершити возбранит, с мeчeм главу его отсекут. И такова ему отмщати повелеваем не токмо градцким но и воинским властелем.

 

О ТОМ ЖЕ ОТ РАЗЛИЧНЫХ ТИТ ЕЛЬ ИУСТИНИЯНА ЦАРЯ. ГЛАВА 58 

Властели же мирстии да не привлачат пред собя чернца или черниц, или девиц, или жен. Якоже имый нечто на кого от мних или от священных девиц и жен, сущих в монастырех, ко епископу места того приступит и возвестит ему, он же с честию мниха или черноризицу, послав игумена, да приведет или посольника, или кого от мирских, и разсмотрив, и судит их. Властель же покушаяйся привести пред ея, таковый лишен власти будет и даст в людцкое сокровище 10 литр перепер купно с своим чином. Посланныя же приведшая заключени будут в преграду и подобную казнь да приимут и епископом возбранени будут, ктому таковых на мирских властель судища, не приводити.

 

О ТОМ ЖЕ ПРАВИЛО 87 ТОГО ЖЕ УСТИНИЯНА ЦАРЯ. ГЛАВА 59 

Не творити пакости мнишескому чину: ни черноризцу, ни черноризицы. Никим любо образом не поругатися церковному строению. Се же аще кто дерзнет сотворити, телесную подъимет муку и в заточение предан да будет.

 

О ТОМ ЖЕ. СВЯТАГО И РАВНОАПОСТОЛЬНАГО ЦАРЯ КОНСТАНТИНА И СВЯТАГО И РАВНОАПОСТОЛЬНАГО ВЕЛИКАГО КНЯЗЯ ВЛАДИМЕРА КИЕВСКАГО И ВСЕА РУСИИ. ДУХОВНЫЯ ИХ ЗАПОВЕДИ С ВЕЛИКИМ ЗАПРЕЩЕНИЕМ. ЧТО МИРСКИМ СУДЬЯМ СВЯШЕННИЧЕСКАГО И ИНОЧЕСКАГО ЧИНА НЕ СУДИТИ, НИЖЕ НА СУД ПРИВЛАЧИТ И. ИМУЩА СИЦЕ. ГЛАВА 60 

Идеже бо священническое начало и власть и християнскаго благоверия слава от небесного царя уставлена бысть, неправедно есть тамо владели земному царю или судити таковая; сия убо вся яже ради божественного оставления многого и нашим священным писанием утвержена и повелена быша, даже до скончания мира сего, якоже по всей вселенной. И данныя суды святителем и церковныя земля же, и села, и винограды, и озера, и пошлины, сочтавше дахом божественным повелением и нашим царьским повелением уставихом на восточных и на западных, и на полунощных, и южных странах, и во Июдеи же, и во Асии, и во Фракии, во Еладе же, и во Италии, и в различныя же островы нашего веления свобожения возвещаем. И по всей вселенной, идеже православнии князи и властели под нами обладают, нашего свобожения и волю им утвердивше, дахом владели святителем, и никакову мирскому сану смеяти судити или прикоснутся церковным землям и пошлинам. Богом заклинаем и нашим царъским повелением утвержаем, непреложно и соблюдено быти даже до скончания века сего, неприкосновенна и непоколебима пребывати повелеваем. Темже пред живым богом, иже повелевшу нам царствовати, и пред ужасным его судом засвидетельствуем ради царьскаго сего уставления всем нашим приимником и иже по нас царем быти хотящим: всем тысящником и всем сотником, и всем вельможам римским, и всему пространнейшему синклиту полаты нашего царства, и всем иже по всей вселенной бывающим князем и властелем по нас, и всем иже по вселенной людом, иже ныне сущим и потом бывшим, во вся лета и нашему царству подлежащим, и ниединого же от сих преложити или претворити некоторого ради образа, якоже нашим царьским велением в священней и святей римской церкви и всем, иже под нею святителем, по всей вселенной бываема подаваема, да не смеет никтоже порушити или прикоснутися, или которым образом досадити. Аще кто от них Не верует, быти сему безстуж сый, о сих вечным да держим будет осужением и вечным мукам повинен будет, и да имеет тогда сопротивники себе святых божиих властель апостольских Петра и Павла в сем веце и в будущем и в преисподнем аде мучим будет, да изчезнет со дияволом и со всеми нечестивыми. Се же наше повеление царьского писания своими руками утвердивше, честному телу властелина апостольского блаженного Петра своими руками в раку положихом, ту бо апостолу божию обещахом нерушима нам соблюдати, и иже по нас хотящим быти зде, и по вселенней, и православным царем, князем же, и вельможам, соблюдаема быти ради заповедей наших, оставихом, и до скончания миру; и блаженному отцу нашему Силивестру, соборному папе, и, его ради, всем наместником его и зде, и по вселенней святителем господа бога и Спаса нашего Исуса Христа, благонравно поведавше, такоже и инем четырем патриаршеским престолом честных ради апостол и ученик христовых: византийскому, егоже в свое имя преименовахом Андрея, ради апостола, яко много потрудившася к богоразумию тех привести и церкви водрузити православных; такоже и александръскому Маркову приимнику, и антиохийскому Букину настольнику, и ерусалимскому Яковлю брата Господня, и коемуждо во своем пределе подобающую честь подаем, и наши по нас приимницы до века. Такожде всем церквам Христовым и преосвященным митрополитом, и архиепископом, и епископом, и иже по них настольником честь сами даем, и наши приимницы, и велицы сатрапы, якоже служителем божиим и приимником святых апостол, сице творите и соблюдайте, да не предреченной тягости подпадете, и славы божия лишени будете, но дръжите предания, якоже приясте. Бога бойтеся и священную его церковь, и настоятелей ея чтите, да милость божию в сем веце и в будущем получите, и сыново света будете. Царьское подписание сице: «Божество вас да соблюдет во многая лета святейший блаженнии отцы». Дадеся в Риму в день третий каланд априлиевых владыки нашего Флавия Констентина галияном, мужем честнейшим ипат славнейших.

 

ЗАПОВЕДЬ БЛАГОЧЕСТИВАГО ЦАРЯ МАНУИЛА КОМНИНА ГРЕЧЕСКАГО НА ОБИДЯЩИХ СВЯТЫЯ ЦЕРКВИ. ГЛАВА 61 

Царь же сей Комнин тако узаконив, и писание подав нерушимо. Прихождаху же мнози от строитель церковных, жалующеся на наместников, как обидити хотят церковная стяжания и пошлины. И царь узаконив и написа, глаголя: «Понеже и се ко ушима нашего царства достиже от жалобник церковных, иже повсюду, идеже аще суть церковная стяжания и пошлины, изобидимы от наместников моих или от судий, абие положися нашему царству в небрежении о сем честному храму сему и во всей вселенней, и сущим митрополиям, и архиепископьям, и епископьям, и монастырем, и всем божиим церквам, идеже аще суть, или на восточных странах, по всей вселенней, якоже суть отдана богу, приношения жертвам даже до кончания века, да пребывают моего царства нерушима, писания ради: аще гради, аще села, аще лугове или озера, или торжища и одрины, и люди купленыя в домы церковныя или пошлиною под судом церковным, или винограды, или садове, или что таковое от церковных вещей, якоже еже царьство наше судивше, узаконив положи. И наместницы царства идщего, и несть им кому их посудити; такоже и елика суть едана или куплена в домы церковныя, да суть под судом церковным. Такоже не смеет никтоже посужати и изыскивати коми от моих наместников или судей моих. И аще кто смеяв от наместников или от судей царства моего посудити или проданная к церкви, или даная от кого, или какова отдана будут: всяк бо, иже аще таковое изыскивати или посужати смеет дерзнути, немилостивно сего дом пограблен да будет в дом церковный или судиям, и той сам по вся лета живота своего безчестен да будет, и от сана своего и от служения моего отлучен, яко противяся царству узаконенному, еже благочестие и боголюбезно церквем и монастырем отдавшего. И сего ради мал некаков дар приносящу ми богови от него же тмочисленных дарований от богатоподательные его десница восприимшу ми, сего ради подобает ниже от наместников, ниже от судий царства моего, всяческая церковная или монастырское стяжение, или даное, или купленое, не изыскивати, ниже посужати. Понеже царство мое сия вся отдаде стяжания и пошлины церквам божиим ради имени божия и на славу его, и яко да сохранени будет под крепкою его десницею, овоже прося милости и прощения о их же к богу, яко человек плоть нося, приразихся и согреших, ово же ради помощи от них, иже воини великого царя триста, иже от младаго возраста иноческому житию прилепившихся и во всеоружие одеявшихся святаго Духа, споспешника имети и поборника крепка на видимыя и невидимыя враги. Темже аще убо кто дерзнет или наместник, или судия, или вельможа царства моего, или ради имения, или ради насилия, или ради мзды, или которою хитростию преобидити восхощет церкви божия, аще суть писана во утверженом писании царства моего, преобидит отданная огови и его великой церкви, и якже под областию ея на востоце и на западе всем митрополитом и архиепископом, и епископом, и всем монастырем, идеже аще суть, якоже и преди рехом по всей вселенней, отданые и богу гради, аще села, аще лугове, или езера, торжища и одрины или люди купленыя в домы церковные, или пошлины под судом церковным, или винограды, или садове, или какова суть от церковных притяжания презрит или изобидит, или посуждати начнет: первие же святыя Т роицы света и милости, егда предстанет страшному судищу, да не узрит и да отпадет от християнской части, якоже Июда от дванадесятнаго числа апостольска; сему же и клятву приимет, иже от века усопших первородных святых и праведных и богоносных отец».

 

О ТОМ ЖЕ БЛАГОЧЕСТИВАГО ЦАРЯ ИУСТИНИЯНА ГЛАВА 1 ОТ СВИТКА НОВЫХ ЗАПОВЕДЕЙ. ГЛАВА 62 

Великие паче инех иже во человецех два еста дара божия от вышняго дарована человеколюбия: священничество же и царство, ово убо божественным служа, се же человеческими владея и пекийся, от единого и того же начала обоя происходят человеческое украшают житие, якоже ничтоже тако бывает поспешение царству якоже святительска честь, о обоих самех тех присно ecu богови молятся. Аще бо они непорочни будут во всем и к богу имут дерзновение и праведно и подобно украшати начнут преданныя им грады и сущия под ними, будет согласие некое благо все еже добро человечестей даруя жизни. Сему быти веруем, аще священных правил блюдение сохранится, иже праведно похваляеми и покланяеми самовидцы божию слову предаша апостоли и святии отцы сохраниша же и заповедаша.

 

О ТОМ ЖЕ СВЯТАГО РАВНОАПОСТОЛЬНАГО ВЕЛИКАГО КНЯЗЯ ВЛАДИМЕРА КИЕВСКАГО И ВСЕА РУСИИ. ТАМО БО В СВОЕМ ЦАРЬСКОМ ЗАВЕЩАНИИ И ЗАКОНОПОЛОЖЕНИИ НАПИСА СИЦЕ. ГЛАВА 63 

Во имя Отца и Сына и святаго Духа. Се яз князь Владимер, нареченный во святом крещении Василей, сын Святославличь, внук Игорев и блаженныя княгини Ольги, принял есмь святое крещение от греческого царя Констентина и от Фотея патриярха царяградскаго, и приях от него первого митрополита Михаилу Киеву, иже крести всю русскую землю святым крещением. Потом многим летом минувшим создах церковь соборну святыя Богородица десятинную и дах ей десетину изо всего княжения своего, такоже и по всей земли Руской. И со княжения своего княжя суда дах десятую векшу, а ис торгу десятую неделю, а из домов на всякое лето от всякого стада и от всякого живота чюдному Спасу и чюдной Богородицы. Потом разсмотревши греческий намоканон и обретех в нем написано, тоже не подобает судов и тяж князю судити, ни бояром его, ни тиуном его; и яз згадал с своими детьми и со всеми князи, и со всеми бояры: дал есми те суды церквам божиим и отцу своему митрополиту, и всем епископом во всей руской земли, и по сем ненадобе вступатися ни детем моим, ни внучатам, ни всему роду моему до века ни в люди церковныя, ни во все суды их; то все дал есми церкви божий. И по всем градом, и по погостом, и по слободам, и по всей земли, где ни суть хрестьяне, своим бояром и тиуном приказываю судов церковных не судити и наших судов без судей митрополичих не судити десятины для. А се суды церковнии: роспуски и смилное заставание, пошибание, умычки, пролежу мужем и женою о животех, и во племени и в сватовстве поимутся, ведовство, потворы, чародейство, волвование, зелейничество, урекание три бляднею и зелий, и ереичеством, зубояж или сын отца биет, или матерь дщерь биет, ли сноха свекровь, или кто уречется скверными словесы и прилагая отца или матерь, или сестры, или дети, или племя тяжутся о задницы, церковная татба, мертвецов волочат, крест посекут или на стенах трески емлют и с креста, или скот, или птица, или псы без великия нужда введет в церковь, или ино что неподобно церкви содеет; или два друга иметася бити: единого жена другого имет за лоно и роздавит или кого застанут с четвероножною, или кто под овином молится, или во ржи, или под рощением, или у воды; или девка дитя повержет, те все суды церквам божиим даны суть преже нас по законом и по правилом святых отец крестьянскими цари и князи во всех крестьянских людех. И царю, и князю, и бояром, и судиям в те суды нельзе вступатися, и яз такоже то все дал есмь по первых царей уряжению и по вселенских святитель, великих князю, и бояром, и судиям не прощено есть от закона божия вступатися в те суды. Аще же кто преобидит сии устав, таковым непрощеным быти от закона божия: и грех и горе собе наследуют. И своим тиуном приказываю судов церковных не обидити, и с судов градцких давати девять частей князю, а десятую часть святей церкви и отцу нашему митрополиту. Се же убо искони поручено богом им святителем и епископьям их, городцкия и торговыя всякие, и мерила, и спуды, и весы, и ставила. От бога тако искони уставлено есть, и митрополиту блюсти без пакости все то подобает; за все бо то воздати ему слово в день суда великого, якоже и о душах человеческих. А се люди церковныя предани митрополиту по правилом: игумен, игумения, поп, дьякон, попадья, дияконица, и дети их, и кто в клиросе, чернец, черница, проскурница, понамарь, прощеник, баба, вдовица, задушный человек, прикладен, стороник, слепец, хромец, монастыреве больницы, пустынницы, странноприимцы, и кто порты чернеческия свержет, те люди церковныя богадельныя. Митрополит ведает промеж ими суды или обида которая, то общий суд и присуд, и пересуд на полы. Аще кто преступит сия правила, якоже есмь управил по святых отец правилом и первых православных Царей управлению, кто имать преступати правила сия, или дети мои, или внуцы мои, или правнуцы, или князи, или бояре и в котором граде наместник, или судия, или тиун, а имут обидити чмы церковныя или отымати, да будут прокляти в сии век и в будущий от седми соборов святых отец вселенских. И того ради ecu православнии цари гречестии и рустии боятся от бога осужения и от святых апостол и святых отец седми соборов, и поместных, и особь сущих, святых, страшная и грозная и великия предиреченныя заповеди и клятвы. Тамо они святии отцы соборне согласиша и святым Духом запечатлеша: аще кий царь и князь или в каком сану ни буди судит святительский суд или восхитит, или возмет что от святых церквей, или от святых монастырей, возложенных богови в наследие благ вечных от недвижимых вещей, таковии по божественным правилом от бога, аки святотатцы осуждаются, а от святых отец под вечною клятвою да суть.

 

О ТОМ ЖЕ ПОСЛАНИЕ КИПРЕЯНА МИТРОПОЛИТА КИЕВСКАГО И ВСЕА РУСИИ В ПСКОВ О СВЯТИТЕЛЬСКОМ СУДЕ. ГЛАВА 64 

Се яз Кипреян, митрополит киевский и всея Русии, по преданию святых апостол и святых отец и благочестивых царей уставу, еже уставили пределы церквам божиим, митрополиям и епископьям, да еже что потягло к которой митрополии или епископьи: монастыреве, игумены и чернцы, попы и дьяконы, и всяк церковный человек, то ecu под властию, в послушании святителю; ничтоже да не смеет ни един хрестьянин, ни мал, ни велик вступатися в тая дела. Аще который от тех игумен или поп, или чернец имет отыматися мирскими властелины от святителя, таковаго божественная правила извергают и отлучают; а кто по них имеет вступатися, того не благословляют. А что погосты и села, и земли, и воды и пошлины, что потягло к церкви божий, или купли, или кто дал по душе намети для, а в то ни един християнин не вступается; а кто вступится, того не благословляют божественная правила. Сего ради яз Кипреян, митрополит всеа Русии, по тем же божественным правилом дал есми сию свою грамоту в епископью в новогородцкую, во святую Софею, сыну своему владыце архиепископу великого новагорода Ивану. Да елико есть монастырев, игумены да будут у него в покорении и в послушании и весь чин священнический. Такоже погосты и села, и земли, и воды со всеми пошлинами, что потягло при первых владыках тамо что ни было, тако и ныне потянут ко святей Софеи и ко владыце Иванну. А никто бы не смел вступатися в церковныя пошлины ни в земли, ни в воды; блюл бы ся казни святых правил. А кто будет вступился и тот бы престал от сего часа. кто послушает святых правил и святых соборов предание и мое поучение, на том милость божия и пречистой его матери и мое благословление; а кто не послушает моего благословения и покушается обидити церковь божию, на том не буди милость божия и пречистой его матери, ни мое благословение. А дана грамота на Москве в лето 6900 месяца августа в 29 день.

 

А СЕ ЧТО СУДЯТ МИРЯНЕ ПОПОВ И КАЗНЯТ ИХ И ОСУЖДАЮТ. ГЛАВА 65 

Се аз Кипреян, митрополит киевский и всеа Русии, что семь слышал, аже во Пскове миряне судят попов и казнят их в церковных вещех, ино то есть кроме хрестьянского закона: не годится миряном попа не судити, ни казнити, ни осудити его, ни слова на него не молвити, но кто их ставит святитель, тот их идит и казнит, и учит. Вы бы есте, дети мои псковичи от веика и до мала, чтобы есте не судили попов, ни казнили их, греха бы есте на душу свою не имали, ни зарока бы есте на весь Псков не чинили. Слышал есмь и то, что попы некоторые молодые да овдовели, да поженилися; и того вам такоже не годится судити, чтобы есте не замали ни чем: ведает то святитель, кто их ставит, тот и поставит, и извержет, и казнит, и судит, и учит; а вам не годится в та дела вступатися. А кого церковь божия и святитель огласит, и вам по тому же оглашению годится такоже держати его. А что земли церковные и села, купли будут или кто будет дал, умирая, которой церкви, и в те бы есте земли не вступалися никто от вас, чтобы церковь божия не изобижена была, занеже в том велик грех от бога. Сего ради и яз, по сану и по области, иже ми дал бог, учю вас, своих детей, а вы моего слова слушайте. А кто сея грамоты не слушает, не буди милость божия на нем, ни моего благословения, а кто послушает, милость божия на вас. А дана грамота в великом Новегороде, в лето 6903, месяца майя в 12 день. О том же правило святых отец седмаго собора. Не восхощеши прияли новых закон развращенных, но соблюдай твердо истину: якоже плотское божие пришествие словом и усты, сердцем и умом, писанием же и образы исповедати и соблюдати подобает; подобие же и священная правила, законы же и уставы, яже прият святая церкви, и вся предания, писаная и неписаная, иже предаша святии апостоли и преподобнии отцы и благочестивии цари непревратно соблюдати подобает. Не повинующии бо ся сих сохранити, вечно мучими будут. Хранящей же сих вечного живота наследницы будут.

 

ОТВЕТ О СВЯТИТЕЛЬСКОМ СУДЕ. ГЛАВА 66 

И того ради подобает святителем по священным правилом коемуждо во всей области, всех святых монастырей общих и особь сущих, такоже и девичих святых монастырей архимаритов и игуменов, и игуменей, и строителей, и весь священнический и иноческий чин, и все причты церковныя, духовне и телесне ведати о всем по бозе и пещися ими, и пользовати, и учити о всех полезных, якоже сущим святителем, а не истязати от них ни пиров, ни даров, ниже которых излишних почестей, или что ино замышляти, кроме священных правил, паче же уставленых уроков и даней по книгам и по грамотам прежними святители в митрополии и во архиепископьях, и в епископьях ничтоже претворяюще. Да по тем же священным правилом всем святителем, коемуждо в своем пределе, духовных пастырчй, архимаритов, и игуменов, и игуменей и их сестер, и строителей, и весь священнический и иноческий чин во всех духовных делех самом святителем судити с великим истязанием и обыском, соборне, по священным правилом, да не порочен будет суд святительской.

 

О НЕСУДИМЫХ ГРАМОТАХ. ГЛАВА 67 

А что по монастырем у архимаритов и игуменов, и у строителей царевы великого князя жалованные грамоты, а в них пишет: «Не судити владыкам архимаритов и игуменов, ни попов, ни чернцов, ни всякого причета церковного». И те грамоты даваны кроме священных правил. И о том ответ. Впредь таковым грамотам не быти, а судити святителем самом, соборне, по священным правилом, коемуждо в своей области архимаритов и игуменов, и игуменей, и их сестр, и строителей, и протопопов, и весь священнический и иноческий чин, и ружные попы, и дьяконы, и все причты церковные в духовных делех и во прочих, опричь душегубства и разбоя с поличным, или кому повелят судити, а не от мирских. А чернцов и слуг монастырских, и всех хрестьян промеж себя сами судят архимариты и игумены во всяких делех с соборными старцы или кому прикажут, да и управу им по суду чинят, опроче духовных дел. А кому будет на слугах и на крестьянах монастырских царя и великого князя детем боярским и всем крестьянам, или волостным, или владычним, или монастырским хрестьяном, и людем градцким и прочим чего искати или о земле спор: и в тех во всех делех судят их бояре и дворецкой царя и великого князя по их жалованным грамотам. А архимаритов и игуменов, и протопопов, и попов, и дьяконов, и чернцов, и всего причта церковного князем и бояром, и дворецким, и наместником по городом, и по погостом, и по волостем, и всем мирским судиям не судити. А которым архимаритом и игуменом, и попом, и дьяконом, и всем причетником церковным, священноиноком, и чернцом, и инокиням лучится искати своих обид на мирских людех: и оне просят у святителей за собою присадки или у десятинников, да перед теми мирскими судьями и перед святительскими судьями, и перед священники десяцкими, и земскими старостами, которым приказано в суде сидети, своих обид ищут, и судьи им управу чинят по судебнику и по царской уставной грамоте, и по соборному уложению.

 

СОБОРНОЙ ОТВЕТ О АРХИМАРИТЕХ, И О ИГУМЕНАХ, И О СВЯЩЕННИКЕХ, И О ДЬЯКОНЕХ, И О ВСЕМ СВЯЩЕННИЧЕСКОМ И ИНОЧЕСКОМ ЧИНУ. ГЛАВА 68 

В духовных и во всяких делех кто чего на них взыщет или они сами взыщут своих обид и прочих дел: и о котором деле мочно будет по суду обыском обыскати, ино о том деле послати да велели обыском обыскати многими послухи и достоверными свидетели с очи на очи по евангельскому словеси: «Пред двема или трема свидетели да станет всяк глагол», да потому ц управу чинят без целования и без поля. Наипаче же греховный вины судятся по священным правилом ни ротою, ни клятвою, но достоверными свидетели и многими послухи. А в которых делех по суду свидетелей нет и обыском обыскати немощно, а ималися будут за одно крестное целование и за поле том крестное целование и поле оставити, да возложити на щдьбы божия, кинути жеребей, и чей наперед возмется, того и оправдати. А которые дела недосужены, и в тех делех досудити, да по суду и по обыску судити, потому же и управу учинити. А крестное целование и поле священническому и иноческому чину не присуживати. А кто взыщет на них поклажаев, а не будет у них отписей, и тем и виновати; также и сами на ком взыщут своих поклажаев, а не будет у них потому же отписей, и тем винити таковых, а крестного целования и поля свяшенническому и иноческому чину не присуживати ни в которых делех по священным правилом, кроме душегубства и разбоя с полишным. В таких винах градцкие судьи да судят по царьским законом. А монастыри и казны монастырские ведают и отписывают по всем монастырем царя великого князя дворецкие и дьяки, и приказывают архимаритом, и игуменом, и строителем с соборными старцы, и считают архимаритов и игуменов, и строителей, во всем приходе и в расходе царя же великого князя дворецкие и дьяки или кому прикажут, повелят по цареву слову, да непорочен будет суд святительской. А в которое время митрополиту не поможется, ино в свое место повелевает судити архимаритов и игуменов, и игуменей, и протопопов, и весь священнический и иноческий чин в духовных делех сарскому и подонскому владыце со вселш архимариты и игумены, соборне, по тем же священным правилом. И бояре митрополичи в том суде у святителей не сидят развес писарей кому, те дела записывати. А к полем и к целованию святителем не присужати, а судити святителем по евангелию: «Пред двема или трема свидетели станет всяк глагол», и обыскивати многими известными свидетели. И владыка, соборне судив архимарита, или игумена, или игумению, или старицу, или протопопа, или священноинока, или инока, или архидиякона, или диякона, или четца, или певца, да судив соборне и обыском обыскав достоверными свидетели, да тот судной список кладет перед митрополитом и обоих исцов за списком ставит с очей на очи. И митрополит выслушав список на соборе, да их вопросит: «Таков ли им в тех духовных делех перед владыкою на соборе суд был?» И скажут обои исци, что им таков суд был, и митрополит соборне тот судной список обговорит по священным правилом, да о том им указ учинити. По которому списку судному обои исцы не станут или один от них раздерет, ино тому не верити, а верити владыце. А на которых духовных пастырей, на архимаритов и на игуменов великих честных монастырей, общих и на особь сущих, учнут бити челом жалобники о управах и о духовных делех, и святителем по них неделъщиков своих с записми и с приставными не посылати и на поруки не давати; и посылают к ним свои грамоты именно за своими печатми с теми се жалобники, чтобы ся с ними управили. А по тех жалобниках поруки имати, чтобы тем жалобником на сроки ставитися, нечто тамо с ними не управятся. А не даст которой жалобник по себе поруки, ино ему грамоты не давати. А сроки в тех посыльных грамотах ко архимаритом и игуменом писати по жаловальным и по уставным иаревым грамотам, каковы у них царевы грамоты опричь духовных дел. А тем жалобником давати те посыльные грамоты архимаритом и игуменом перед братьею на соборе. И не управятся которые архимариты и игумены с теми которыми жалобники, и они бы в свое место присылали ко ответу слуг, а похотят ко ответу сами ехати, ино то во их воли. А в духовных делех архимариты и игумены ездят ко ответу, как им святители повелят; а которые архимариты и игумены по тем святительским грамотам перед святители ко ответу не приедут или в свое место ко ответу не пришлют, ино по тех посылати приставов с записми из уезду, да ставили их перед святители. А о духовных делех пишут к ним подлинно потому же, чтобы перед святители ставилися по тем грамотам часа того; и святители их в тех духовных делех и во прочих с их исцы сами соборне судят и обыском обыскивают, и управу им чинят во всем по священным правилом, ничтоже претворяюще. Также и в девичих монастырех, во общих и во особь сущих, игуменей и их сестр потому же судят святители в духовных делех и во прочих, якоже преди речено бысть. А царевым бояром и дворецким, и митрополичим бояром, и архиепископлим, и епископлим архимаритов и игуменов, и игуменей, и строителей ни в которых делех не судити, но судят их святители сами по священным правилом. А по рядным грамотам и по духовным, и по кабалам, и в поклажаех, и в боех, и в грабежех, и в прочих во всяких делех, опричь духовных дел, попов и дьяконов, и всех причетников, и мирских людей повелевают святители бояром своим судити; а у бояр в суде сидети старостам поповским и пятидесятником, и десяцким по неделям, по два по три, да градцким старостам и целовальником, и земскому дьяку, которым царь прикажет. И тем старостам, и целовальником, и земскому дияку с тех судных дел списывати противни слово в слово, да держати их у себя, а к тем списком дияки руки свои прикладывают. А их дияк земской или сами старосты и целовалъники, и те священники, которые у них в суде сидят, к тем судным списком ко обоим, которые у бояр останутся и которые будут у целовальников, руки свои прикладывают, чтобы было брежно и тех бы дел не переделывали и не переписывали. Да те судные списки держати дьяком у себя в ларце за боярскими печатми по цареву судебнику (а подьячим их не давати), доколе судные списки бояре перед святители положат и обоих исцов перед ними поставят. И святители, выслушав список, и обоих исцов вопросят: «Таков ли им суд был?» И скажут, что им таков суд был, и святители тот список обговорят с искусными людми, да потому им и управу велят учинити, и пошлины велят имати на виноватом по цареву судебнику гривенную и по уставной грамоте. А которой от них список оболживит и по списку не такнет, и святителем, обыскав, темиже священники и старостами, и десяцкими, и царевыми целовальники, и земским дьяком, которые у бояр в суде cuдeлu, да потому им велят и управу учинити. А что в митрополии, и в архиепископьи в епископьях, по которым градом и по десятинам жили гкони вечно уставлены десетинники при великих чюдотворцех Петре и Алексее и Ионе и преже их, и по них, и доднесь, а ее дали и судили весь священнический иноческий чин, и все причты церковныя и прочих людей по рядным, и по кабалам, и в боех, и в грабежех, опроче духовных дел — и ныне по тем градом, в митрополии, и во архиепископьях, и в епископьях быти десятинником потому же и судити им священников и дьяконов, и все причты церковные, и мирских людей по рядным грамотам и по духовным, и по кабальным, и в поклажаех, и в боех, и в грабежех, опроче духовных дел. А у них быти в суде старостам священником и десяцким по два по три, да старостам земским и целовальником, и земским дияком, которым царь повелит: и тем старостам, и целовальником, и земскому дьяку с тех судных списывати противни слово в слово, да дрьжати их у собя. А к тем списком десетинники руки свои прикладывают, а их дьяк земской или сами старосты и целовальники к тем судным списком, которые у десетинников останутся, потому же руки свои прикладывают и печатют , якоже и преди речено бысть, чтобы было брежно и тех бы дел не переписывали и не переделывали. А священником и дьяконом к полем и к целованию не срочат без святительского ведома. А в прочих во всяких делех тамо им управу чинят по суду и по обыску в божию правду безпосульно. А пошлины свои емлют на виноватом по цареву Судебнику гривенную и по уставной грамоте. А в которых делех невозможно тамо им управу учинити, и они обоим исцом срок чинят перед святители. И святители, выслушав список, да потому им и управу чинят. А корчем десетинником не держати, а держати им про собя питие. А в духовных делех десетинники не судят никого, а срочат им перед святители: и святители их сами судят, и кому повелят о священных, да потому им и управу чинят. А учнут десетинники неправду судити и посулы имати, и делы волочили, и продажу чинили, и старостам и целовалъником с теми священники, которые с ними в суде сидят, и земскому дьяку о том им говорили, чтобы судили вправду и посулов не имали. А не послушают их, и старостам, и целовальником, и земскому дияку писати на них святителем, а не управят святители, и старостам писати о том к царю, и тем десетинником от царя и от святителей быти в великой опале; и взятое велели на тех доправливати втрое lno царьскому Судебник, да и десетина от него отняти. А будет неправда в суде и всякая хитрость и продажа в боярех, и в десетинникех, и в земским судьях, с одного, а доведут их в том многими свидетели: и тем всем судьям быти от царя в великой опале, а от святителей потому же быти в опале, якоже и преди речено бысть. А что преже всего в митрополии и во архиепископьях, и епископьях ездили о градом и по десетинам десетинники и заезщики и збирали на святителей дань по книгам, и свои пошлины по грамоткам и по книгам, по старине, и в том священником и дьяконом от десятильников и от заещиков были нужда и продажа великая. И отныне, и впред по цареву совету и по соборному уложению в митрополии и во архиепископьях, и в епископьях десетинником и заещиком по тем городом и по десетинам не ездити, а ставити по тем городом по всем и по десятинам десяцких священников да старост земских и целовальников, которым царь прикажет, и те старосты и целовальники с теми десяцкими священники и целовальники святительскую дань и десетинничи, и заещичи пошлины збирают по книгам и по грамотам, опричь пустово и льготных, и жаловальных , и тарханных грамот, да отдают сполна святителем с году на год на рождество Христово или на Збор. А чего сполна не привезут по книгам, и святителем то велети оправливати на тех земских старостах и на поповских, и на целовальникех, безпенно, по цареву великого князя указу.

 

О ВЕНЕЧНОЙ ПОШЛИНЕ ЦАРЕВ УКАЗ И СОБОРНОЕ УЛОЖЕНИЕ. ГЛАВА 69 

Венечную пошлину заказывают и собирают священники, старосты поповские и священники десяцкие в митрополии и во архиепископьях, и в епископьях, по всем городом, и по десетинам, и по селам, а емлют с первого браку алтын, а со втораго браку два алтына, а с трехженцев по четыре алтына по цареву указу, да те денги, собрав, отдают святителем в казну с земскими старосты и целовальники, которые с ними у святительских бояр и у десетинников в суде сидят, с данию вместе и с десетинничьею и с заещиковою пошлиною на рождество Христово или на Збор сполна по книгам. А по соборным церквам протопопы и священники емлют свою венечную пошлину потому же. Да те же попопские старосты и священники десяцкие о том берегут накрепко, чтобы тое венечные пошлины не таили, сколько которой поп по своим церквам свадеб венчает и молитв говорит, отдавали сполна. А которой поп от тех венечных пошлин утаит и обличен будет, и оне на том емлют промыту по цареву судебнику по два рубля и по четыре алтына и по полуторе денге, да те денги отдают с данию же вместе во святительские казны казначеем. Да тем же священником, поповским старостам и священником десяцким избирали добрых священников, богорадных и искусных, которым те знамена о венечной пошлине давати, и писали бы к ним в тех знаменах именно: чтобы женилися ни в кумовстве, ни в сватовстве, ни в роду, ни в племяни, да о том бы обыскивали накрепко, елико, их сила; а четвертый бы брак никогдаже не именовался, и молитвы не говорили. И о том бы им запрещали и наказывали накрепко, чтобы наложниц не держали и содомския скверныя дела нигде не именовалися, жили бы православные крестьяне с своими женами по закону хрестьянскому и по священным правилом, якоже подобает православным крестьянам жити и пребывати во всяком благочестии и чистоте. Да тем же священником, поповским старостам и священником десяцким и пятидесяцким по всем святым церквам во градех и по селом бречи и назирати о церковном пении у о священническом чину о всем по божественному уставу и по «душенным правилом, чтобы священники и дьяконы сами жили по священству, в чистоте и в покаянии, и во прочих добродетедех, и от пиянственнаго пития воздержалися, и в пьянство бы це упивалися; и церковное бы пение и правило по всем святым церквам было сполна по уставу, чинно и немятежно, о всем по преданию святых апостол и святых отец, и по священным правилом, ничтоже претворяюще. Да и детей бы своих духовных всех православных хрестьян поучали страху божию, чтобы к церквам божиим ходили, и ко отцем своим духовным на покаяние приходили и с женами, и с детми, и на божественном бы пении стояли со страхом и трепетом, и со всяким духовным вниманием богу моляся, кождо о своем согрешении, а повестей бы и излишних мирских бесед в церкви стоя не говорили. А которые священники и дьяконы учнут упиватися в пиянство и о церквах божиих и о божественном пении учнут небречи: с тем священником, старостам, и священником десяцким, им говорити накрепко, чтобы noкaялucя и в пьянство не упивалися, и от своих злых обычай престали, да не соблазн мирским людем от них будет по реченному: «Горе миру от соблазн». И паки рече: «Смущаяй грех да понесет», и о церковных бы о всех чинех брегли, елика их сила о всем по преданию святых апостол и святых отец. А не учнут слушати поповских старост и священников десяцких, и им о том писати ко святителем. И тем безчинным попом и дьяконом быти от святителей в великом запрещении и в конечном извержении, о всем по священным правилом. Да тем же священником, старостам поповским и священником десяцким у всех попов и у дьяконов дозирати ставленых и благословеных, и отпустных грамот, и перехожих по селом в кою пору дань збирают. И у которых попов и у дьяконов не будет ставленых и благословеных, и отпустных грамот, и им тем попом и дьяконом служити не велети, да тех попов и дьяконов посылают ко святителем за порукою. А в котором граде новодесятинник наедет, и тем всем попом и дьяконом того града, опричь сельских попов и дьяконов, свои жалованые грамоты и ставленые, и благословенью, и отпустные десетиннику старостами, и целовалъники, которые у десятинников в суде сидят. А пошлины с них не дают. А у которых попов и у дьяконов ставленых и отпустных не будет, и десятинником тех попов и дьяконов отсылати к святителем за порукою. А которые попы и дьяконы новопоставлены uлu от церкви к Церкве прейдут, и они свои грамоты десятинником являют и перехожие гривны платят по старине перед теми же старостами.

А десятинники к собе грамот у них не емлют, смотрив да им отдают назад часа того, перед теми же старостами и священники. А у сельских попов и у дьяконов десетинники грамот не дозирают, потому «что десяцкие священники и старосты Земские грамот дозирают, которые дань берут. А у которых грамоты не подписаны или отпустные у которого не будет, и оне срочат ко святителем, а к. десятинником о том не ездят. А которые новопришли или новостали, и заещики на них емлют перехожие гривны, да отдают десятинником. А на болшая утверждения всем святителем, митрополиту и архиепископом, и епископом посылати дозирати с духовным поучением к попом и дьяконом и ко всем православным хрестьяном по всем градом и по селом, коемуждо во своем пределе, соборных священников, добрых и искусных, могущих и иных в духовных пользовати, чтобы церковные чины и божественное пение по всем святым церквам о всем бы было по преданию святых апостол и святых отец, по божественному уставу и по священным правилом, ничтоже претворяюще. Да святителем же посылати по всем градом и по селом свои грамоты, в котором граде будут архимариты и игумены, и протопопы, коемуждо во своем пределе, чтобы те архимариты и игумены, и протопопы надзирали и досматривали над поповскими старостами, и десяцкими, и надо всеми священники и дьяконы, чтобы жили по священству, и от пиянственнаго пития воздержалися и в конец не упивалися, и от церквах божиих и о церковном пении брегли, о всем по преданию святых апостол и святых отец. А которые священники, поповские старосты и десяцкие, и прочие священницы не учнут беречи о церковных чинех и архимаритов, и игуменов, и протопопов слушати, и им о том о всем писати к святителем; и тем поповским старостам и десяцким священником быти от святителей в великом запрещении по священным правилом. А из которых градов и из сел в митрополии и во архиепископьях, и епископьях учнут приходити к святителем жалобники о духовных делех и о всяких обидах, и о управах земских по рядным 4 и по духовным грамотам, и по кабалам в займех, и в поклажах , и во всяких делех, опричь душегубства и разбоя с пошлиным, и святители повелевают своим бояром и десетинником давати им в тех делех приставов, и они по них ездят с приставными. А в приставной пишут быти по цареву Судебнику, а срок им чинят по царевым грамотам, как в них писано. А митрополичим недельщиком на Москве и по всем градом в митрополии и от десетинников по десетинам и по селом ездити с приставными грамотами на правду и на обыск о всяких делех от жалобников саму другу, а в дальние места саму третью. А давати на поруки попов и дьяконов и все причты церковные перед десяцкими священники; а без десяцких священников на поруки им не давати. А по мирских людей во всяких делех от жалобников ездити им с приставными и на правду и на обыск потому же, а давати их на поруки перед земскими старостами или перед земскими десяцкими; а без земских старост и без десяцких на поруки их не давати, а от поруки поклонного у них не имати. А срочные и обыскные списки во всяких делех у них писати земским дьяком перед теми же старостами и десяцкими или церковным дьяком крепости для и бережения земскаго. А с одновытными по попов и по дьяконов, и по все причты церковные, и по всех людей не ездити и на поруки не давати их. А духовных делех лучится им ехати по кого с записми, и им давати их на поруки перед теми же священники десяцкими и перед земскими старостами и десяцкими. А сроки им чинят перед святители, которой у них в записи написан. А от поруки у них и поклонного не емлют ничего. Такоже всем архиепископом и епископом, коемуждо во своем пределе, потому же устроили, и беречи о том святителем накрепко, чтобы от их людей вперед продажи однолично не было. А на которого недельщика придут жалобники, и о том обыскав, без суда доправити втрое по цареву Судебнику. А бояром и дворецким, и десетинником имати с судных дел гривенная пошлина по цареву судебнику о всем. А лишка посулов бояром и дворецким, и десятинником, и дьяком не имати. А которой боярин или дворецкой, или десятинник, или дьяк через Судебник лишнее и посулов возмет: и о том обыскав без суда теми же старостами и священники, которые с ними в суде сидят, и иными добрыми людми, да втрое взяти и отдати исцу. А которой боярин или дворецкий, или десетинник, или дьяк вдругие и втретие обличен будет, и на том втрое взяти без суда да отдали исцом; да боярина от боярства и дворецкаго от дворечества изврещи, да и поместья у них отписати, и со очей сослати аки непотребных раб; а у десетинников десетина отняти, а у дьяка дъячество; а взятое на них втрое доправити, да отдали исцом, а их от себя отослати, да и протчии страх приимут таковая не творити. Да митрополиту же и архиепископом и епископом без царева ведома бояр от себя и дворецких не отсылати и в тех место иных не поставляли, кроме прежереченных вин. А у которого святителя изведутся бояре или дворецкие, и им от тех родов изврати, а не будет у них от тех родов, и им от иных родов коемуждо их избирати, да обсылатися с царем; и повелит царь которым быти в боярех или дворецких, и святителем у собя тех и дрьжати, и без царева ведома однолично бояр и дворецких не поставляли. А у которых святителей изведутся бояре и дворецкие, а от тех родов или от иных родов таких у них не будет, которым пригоже в тех место быти в боярех и в дворецких: и им о том бити челом царю, чтобы государь пожаловал, изобрел у собя и дал им которым будет пригоже в том чину быти; а без царева ведома однолично бояр и Дворецких не поставляти; да и дьяков им у себя дрьжати с царева же ведома которым будет пригоже с бояры всякие дела делати, чтобы было брежно. И судили бы в божию правду, а посулов бы однолишно не имали, кроме указных пошлин по Цареву судебнику, и о том святителем над своими бояры и Дворецкими и дьяки бречи накрепко, чтобы у них суд был праведен безо всякие хитрости и коварства, и лихоимства всякого, и продажи, и волокиты безмерные. А тиуном и недельщиком митрополичим и архиепископлим и епископлим с ябедники и с блудницами зговору не чинити, и по зговору священнического и иноческого чину и всех православных крестьян не пpoдaвaтu. А которым будет мужним женам и вдовицам и девицам силы искати на священническом и иноческом чину и на мирских людех: недельщиком от них на поруки давати перед старостами и перед священники десяцкими, якоже и преди рехом ; а ставити их перед бояры, и бояре о них святителем возвещают, и святители священнический и иноческий чин соборне по священным правилом сами судят или кому повелят от священных; а бояром их в духовных делех не судити. А которые тиуны недельщики, стакався с блудницами и с ябедники, учнут дела составливати и продажу чинити священническому и иноческому чину и всем православным хрестьяном, от порук и от поклонного денги имати или что насильством возьмут, и потом обличени будут многими свидетели, и святители, о том обыскав, известно добрыми свидетели без суда повелевают бояром своим доправливати на них втрое, да исцом отдают по цареву судебнику; а тиуни с тиунства измещутся, а недельщиков от недель оставливают, да из двора таковых высылают вон, да и прочий страх приимут таковая не творити. Да в царствующем же граде Москве, в митрополиче дворе, искони вечная тиунская пошлина ведется, глаголема крестец, не вем како уставися кроме священных правил. Изо всей митрополии и архиепископьи, и епископьи изо всех градов руския митрополии, архимариты и игумены, и протопопы, и священноиноки, и священники, и дьяконы приедет по своей воли своими делы; иные же от них за поруками приедут в духовных делех, овии же за приставом по кабалам и по срочным в боех, и в грабежех, и в прочих различных делех, да живучи на Москве, сходятся на крестец в торгу на Ильинской улице, да наймуются у московских священников по многим святым церквам обедни служити, да о том митрополичю тиуну являются и знамя у него емлют: овии на месяц, инии же на два, друзии же множае, и пошлину ему от того дают на месяц по десети денег, овии же по два алтына. А которые нe доложи тиуна начнут служити, и он на них емлет промыты по два рубля, а о том не обыскивает, есть ли у них ставленые и отпустные грамоты или нет, и таковая вся кроме священных правил сотворяются. И отныне, и впредь, которые приезжие архимариты и игумены, и протопопы, и священноиноки, и священники, и дьяконы учнут являтися тиуну и восхотят, наймуючись, служити по святым церквам обедни на Москве, и ему у них ставленых и отпустных, и благословенных грамот досматривати старостами поповскими, и у которых грамоты будут, а приехали за своими делы, бити челом царю и великому князю или митрополиту, или иными делы, а не за поруками ни за приставом, и ни в которой пене, и ему тем знамена давати, и пошлину свою имати по старине. А у которых тех священных грамот ставленых и благословеных, и отпустных не будет, хотя и за своими делы приехали, а не за приставом, ни за поруками и ему тем знамен не давати, потому что у них грамот нет. А которые будет архимариты и игумены, и протопопы, и священноиноки, и священники, дьяконы приехали за поруками в духовных делех и в прочих яелех, а ставленые и благословенью, и отпустные грамоты у них будут, да восхотят на Москве, наймуючися, по святым церквам обедни служити, и ему однолишно таковым знамен не давати, потому что за поруками прехали . А которые утаився, да учнут служити без знамен, а приехали за приставом и за поруками, и потом обличени будут, и ему тех приводити к митрополиту, и таковым быти под запрещением по священным правилом. А учнет тиун таковым знамена давати, которые за приставом и за поруками приехали или у которых ставленых и благословеных, и отпустых грамот не будет, и потом обличени будут, и тому тиуну от митрополита в великой опале, да ис тиунства извержену быти, аки неверному и непотребному рабу.

 

ОТВЕТ О ПУСТЫХ ЦЕРКВАХ ЧТО СТОЯТ БЕЗ ПЕНИЯ. ГЛАВА 70 

Да митрополиту же, архиепископом и епископом, коемуждо во своем пределе, по всем городом и по селом послав обыскати, которыя церкви запустели и стоят без пения: и им по всем тем святым церквам давати льгота и тарханные грамоты на урочные лета на 15 лет. Дондеже те святые церкви совершатся и исполнятся церковным чином и православными хрестьяны, ничтоже от них истязающе в те урочные лета; а заезд и все мелкие пошлины митрополичи и дань митрополича, и десетинничи пошлины имати на попех, да тем церкви сооружать. А собирали бы тот доход люди лутчие, которые к. тем церквам прихожи, и сооружали бы тем доходом святыя церкви запустевшая святыми иконами и книгами, а священники у тех церквей жили бы о приходе, да о церковной земли, чтобы бог дал по всем градом и по селам святыя церкви везде с пением были, а без пения бы святых церквей нигде не было. О том святителем по священным правилом беречи накрепко елика их сила.

 

О НИЩЕПИТАТЕЛЬСТВЕ ОТВЕТ. ГЛАВА 71 

О нищепитательстве. Что чернцы и черницы по градом и по селам скитаются в миру на соблазн и многим людем на осуждение, и душам на погибель. И тех чернцов и черниц собирати, да, переписав, розослати по общим монастырем. И которые чернцы и черницы здравы телом, и тех бы чернцов духовные пастыри архимариты и игумены давали добрым старцом под начало, чтобы учили страху божию и житию чернеческому, и прочим добродетелем по преданию св. отец. И как пoд началом поживут во всяком о бозе покорении и в конечном послушании, и оне бы их посылали в монастырские службы, где кто достоин служити и тружатися, в коейждо святей обители на святую братью своего ради спасения и за свой вклад. А которые будут чернцы стары или больны, не могут делати и под началом быти, и они бы их в тех же монастырех общих устроили в больницах пищею и одежею с прочими братьями, да велели бы их отцем духовным каяти и поучати, чтобы жили в чистоте и в покаянии, и в прочих добродетелех, и во благодарении ко всесильному богу, и творили бы безпрестанно молитву Исусову, елико, их сила; и скорби, и болезни терпели со благодарением, да не лишени будут мзды от бога; и молили бы бога за царя, и за всех православных хрестьян о всех полезных. И благочестивому царю, и митрополиту, и владыкам достоит за всех тех, старых и болящих, по всем монастырем общим из своей казны вклад за них давати, как ему, царю и государю, бог известит. А которые чернцы здравы разосланы по монастырем будут, и за тех царю вкладов по монастырем не давати, потому что оно здравы и могут тружатися, и служити на святую братью за свои вклады. А которые будут черницы здравы или больны, и тех всех черниц разослати в девичи монастыри, общие и особь сущие, и духовным настоятельницам, честным игуменьям, тех черниц здравых давати добрым старицам под начало, да учити и наказывати страху божию, и чернеческому житию, и прочим добродетелем по преданию святых отец, а из монастыря их не выпущати. А которыя будут черницы стары и больны, и тех бы черниц игуменьи устроили в больницах пищею и одежею с прочими сестрами, и брегли бы о всех них, чтобы жили в чистоте и в покаянии, и в прочих добродетелех, и в молитвах, и отцом бы духовным о своих согрешениях каялися, и во всем о бозе повиновалися, и молили бы бога за благочестивого царя, и за всех православных хрестьян о всех полезных. И благочестивому царю, и митрополиту, и владыкам своего ради спасения за всех тех черниц здравых и больных по всем девичим монастырем вклады давати из своей царской казны и святительской, как ему царю государю бог известит.

 

О ИСКУПЛЕНИИ ПЛЕННЫХ. ГЛАВА 72 

О искуплении пленных соборной ответ. Которых окупят царевы послы в ордах и во Цареграде, или в Криму, или в Казани, или в Асторохани, или в Кафи, или сами окупятся , и тех всех пленных окупати из царевы казны. А которых пленных приводят, православных хрестьян, окупив, греки и турчане, и армени, или иные гости, да, быв на Москве, восхотят их с собою опять повести, ино их не давати и за то крепко стояти, да их окупати из царевы же казны. А сколько годом того пленного окупу из царевой казны разойдется, и то роскинути на сохи по всей земли, чей кто не буди, всем ровно, занеже таковое искупление общая милостыня порицается, и благочестивому царю и всем православным великая мзда от бога будет. Якоже рече праведный Енох: «Не пощадите злата и серебра брата ради, но искупуйте его, яко да от бога приимете сторицею». И пророком рече бог: «Не щадите серебра человека ради». Христос же не токмо серебра, но ищу свою повелевает по братии положити. Болши тоя рече любви никтоже не имать, аще кто душу свою положит по оратии своей. И того ради христова слова благочестивым царем и всем православным хрестьяном не токмо пленных окупати, но и душу свою полагати, да сторичныя мзды во он день сподобятся не лож бо рекий: «В нюже меру мерите возмерится и вам».

 

ОТВЕТ О БЛАГОДЕЛЬНЯХ. И О ПРОКАЖЕННЫХ. И О КОЛОСНЫХ. И О ПРЕСТАРЕВШИХСЯ. И ПО УЛИЦАМ В КОРОБЕХ ЛЕЖАЩИХ. И НА ТЕЛЕШКАХ И НА САНКАХ ВОЗЯЩИХ И НЕ ИМУЩИХ ГЛАВЫ ГДЕ ПОДКЛОНИТИ. ГЛАВА 73 

И о том соборной ответ. Да повелит благочестивый царь всех проклаженных и престаревшихся описати по всем градом, опроче здравых строев. Да в коемждо граде устроити богадельни мужския и женския, и тех прокаженных и престаревшихся, не могущих нигдеже главы подклонити, устроити в богадельнях пищею и одежею. А боголюбцы милостыню и вся потребная им приносят же своего ради спасения. Да приставити к ним здравых строев и баб стряпчих, сколько пригоже будет, несмотря по людем. Да над ними приказати священником добрым, да целовальником или градцким людем добрым над ними смотрити, чтобы им насилъства и обиды от стряпчих не было. А священники бы к ним в богадельни мужския и женския приходили, да их поучали и наказывали их страху божию, чтобы жили в чистоте и в покаянии, и во всяком благодарении, да их бы покаивали и при конце причащали телу и крови господа нашего, Исуса Христа. А преставльшихся погребению предавали и о них поминали во священных божественных службах. А здравые бы строи с женами по богадельням не жили, а питалися бы, по дворам ходячи, от боголюбцов, якоже и доднесь, а которые возмогут работати, и они бы страды подлежали.

 

ОТВЕТ. О СВЯТЫХ И ЧЕСТНЫХ ИКОНАХ. ГЛАВА 74 

А. что по миру скитаются, по городом и по улицам, и по Дворам, по селам, и по деревням чернцы и черницы, и строи, и бабы, и прочий миряне со святыми иконами ходят, странствуют. Нецыи бо от снов смущени и от бесей прельщени мнятся пророчествовати и на сооруженье собирают. А инии на иcкynлeнue просят и по торгом ходят с образы безчинно. И о том иноземцы и иноверцы дивятся, да и православнии мнози в зазор полагают, что с святыми иконами безчинно скитаются по рсченному: «Почитай божественное честно», И паки рече писание: «Всяк творяй дело божье с небрежением прокляти суть». И того ради впредь о том царскую заповедь учинити, и по торгом кликати, чтобы ecu таковии со святыми иконами не ходили. А которым на окуп от долгов или о прочих нужах милостни просити, и они бы именем божиим у боголюбцев просили, а с иконами бы однолично не ходили. А которые после царевой заповеди учнут со святыми иконами безчинно скитатися, и у тех иконы отнимати да по святым церквам ставити, а их из градов изгоняти. Да и прочий страх приимут таковая не творити.

 

ОТВЕТ О ВОТЧИНАХ И О КУПЛЯХ, КОТОРЫЕ БОГОЛЮБЦЫ ДАВАЛИ СВЯТЫМ ЦЕРКВАМ НА ПАМЯТЬ СВОИМ ДУШАМ И ПО СВОИХ РОДИТЕЛЕХ В ВЕЧНОЙ ПОМИНОК И В НАСЛЕДИЕ БЛАГ ВЕЧНЫХ. ГЛАВА 75 

Да духовным же настоятелем, архимаритом и игуменом и строителем с соборными старцы и со всею о Христе братьею, коимждо во своей обители известно обыскивати о том, которые боголюбцы давали в монастыри святым церквам свои отчинные села и купли на память своим душам и по своих родителех в вечной поминок. А им по всех тех боголюбцех, которые села и купли давали, ставити по них кормы да на их памяти пети собором панахиды самом пастырем, и обедни служити, и братию кормити по монастырскому чину. Да их имена допытався в сенаники написати и поминати их всегда по церковному чину и по божественному уставу. Да тех сел отчинных и купль, которые даваны святым церквам по их душам и по их родителех в вечной поминок без выкупа в наследие благ вечных, и иных церковных монастырских земс, и прочих недвижимых вещей по священным божественным правилом святаго седмаго вселенского собора и прочих святых отец ни отдати, ни продати, но крепко хранити и блюсти заповеди святых отец. Тамо бо речено бысть о недвижимых вещах, еданных богови в наследие вечных благ, рекше села, нивы, винограды, сено — жати, лес, борти, воды, источницы, озера и прочее, еданное богови в наследие благ вечных, никтоже их может от церкви божий восхитити или отъяти, или продати, или отдати. Аще ли кто, забыв страх божий и заповеди святых отец, оболкся в безстудие дерзнет таковая сотворити, аще убо епископ — да извержется из епископья, аще ли игумен, — то из монастыря изгнан будет, яко зле расточающи, их же не собра. Аще ли ин кто от священнического чина убо суще — да извергутся. Мниси же или мирстии человецы в каком сану ни буди — да отлучатся, аки суще осуженики от Отца и Сына и святаго Духа, да устроени будут, идеже червь их не умирает и огнь не угасает и прочее. Правила 12 и 13 глаголет святаго седмаго собор и 5-го святаго собора заповедь сице написаша вяликаго нашего града и прочее страшное запрещение не пкмо простым, но и самом царем и вельможам. И того ради страшного прощения святых отец, по священным правилом духовным пастырем подобает хранити и блюсти елика их сила ничтоже претворяюще кроме священных правил. Такоже и впредь, которые боголюбцы учнут давати святым церквам и святым монастырем отчинные сели и купли, и денги, и всякие вещи, и прочая недвижимые вещи по своих душах и по своих родителех в вечной поминок, в наследие благ вечных, и цм по них потому же годовые памяти творити: на их памяти соборне понахиды пети и обедни служити самом пастырем, и кормы на братию ставити по монастырскому чину, и в сенаники имена их писати, и поминати по церковному чину и по божественному уставу ничтоже претворяюще. И тех всех недвижимых вещей, еданных богови в наследие благ вечных, по тем же священным правилом блюсти и хранити елика их сила: ни продати, ни отдати, кроме завещания их, по данным грамотам 1 и духовным их. Аще ли же напишут в своем завещании, в ; духовных грамотах и в данных, а кобудет роду нашему до тое вотчины, и они вдадут в монастырь святой церкви толико число, или сице и сице. И таковая недвижимыя вещи отчинныя от монастырей отходят к роду их по их духовному завещанию. А в монастыри святым церквам дают по тем их духовным и данным грамотам, колико число написано цены безо всякого прекословия на память душам их. И они потому и память творят, и в сенаники имена их пишут, и поминают, доколе оже бог даст и монастырь стоит. До. у которых монастырей земель и сел довольно, несмотря по братству, и мочно прожити, и те бы архимариты и игумены, и строители, и старцы благочестивому царю не стужали, излишнего не просили, такоже бы и тархалных, и лготных, и о торговлях безпошлинно, и несудимых грамот и угодой но припрашивали. И так де у меня, царя, поймали много по всем монастырем, а братьи во всех монастырех по старому, а инде и старого менши, а ости и пити братьи старого оскуднее, а строения в монастырех ни которого не прибыло и строе опустело. Где те прибыли и кто тем корыстуется? Да чернцы же де и по селом живут да в городе тяжутся о землях, ино достойно ли так быти? И вы бы о всех о тех предиреченных отныне и впредь исправилися и благочестивому царю о таковых не стужали, разве великия нужа, и то с великим упросом и боголюбным молением. А чернцы бы однолично по селом не жили и о землях в ородех не тягалися, а сами бы жили в монастырех и молили ога по чернеческому обету. И по городом не ездили, разве царевы посылки или монастырских ради нужных дел. Которых старцов архимандрит или игумен с собора пошлет, те бы старцы ездили, а собою бы чернцы по городом и по селом не ходили и не ездили. О том бы осте все берегли накрепко, чтобы жили в монастырех вашим пастырством по монастырскому чину.

 

ОТВЕТ О СВЯТИТЕЛЬСКИХ И О МОНАСТЫРСКИХ ДЕНГАХ БЕЗ РОСТУ И О ХЛЕБЕ БЕЗ НАСПУ. ГЛАВА 76 

А что святительские казенные денги в росты дают и хлеб в наспы, такоже и монастырские казенные денги дают в росты и хлеб в наспы, и о том божественное писание и священные правила не токмо епископом и прозвитером, и дияконом, и всему священническому и иноческому чину возбраняют, но и простым не повелевают резоимьство и лихву истязати. И того ради отныне по священным правилом святителем и всем монастырем денги давати по своим селом своим хрестьяном без росту и хлеб без наспу того для, чтобы за ними християне были, и села бы их были не пусты. Да о том себе велят писати в книги: сколько на котором денег и хлеба, и сколько в котором селе денег и хлеба в займех. Да держати те книги в казне крепости для. А у которых у святителей или у монастырей изойдется казенных денег и хлеба у своих християн, и они потому же нужным людем дают взаймы денги без росту, а хлеб без наспу с поруками и с крепостьми, или в казенные книги пишут. А у которых монастырей общих и девичих общих, и особь сущих, изойдется денег, и им на те денги купити монастырем земли да тем питатися, а в росты однолично денег не давати по священным правилом.

 

О ВДОВСТВУЮЩИХ ПОПЕХ ПОУЧЕНИЕ ИЖЕ ВО СВЯТЫХ ОТЦА НАШЕГО ПЕТРА МИТРОПОЛИТА ВСЕЯ РУСИИ. ГЛАВА 77

Аще у попа умрет попадья, идет в монастырь, имея священство свое. Аще же имать пребывати и любити мирския сласти — да не поет. И аще кто имать не слушати моего писания — и будет неблагословен и те, иже приобщаются сим. Иже который поп имет упиватися и да не лишится, тот не истинный священник Христов. О том же послание великаго Василия ко Григорию презвитеру. Правило 87. Подобает отлучитися его с женами пребывания и бесед и не полагати брату протыкания или соблазна. Темже иже в Никои отцем последующе, иже не повелевают чюжие жены у себя в дому имети. Отлучитися тобе от живущия у тебе жены повелохом, аще не отпустиши ее, ни исправив себе, дерзнеши служити — да будеши проклят, и приемлющии тя — отвержены.

 

О ТОМ ЖЕ ОТ ПОСЛАНИЯ ФОТЕЯ МИТРОПОЛИТА ВСЕЯ РУСИИ ВО ПСКОВ О ВДОВСТВУЮЩИХ ПОПЕХ. ГЛАВА 78

Слышание мое, что де суть в вас, которые попы и дияконы вдовцы тако и пребывают в мирских и священствуют. Ино священником мирским, докогда богу благоволившу, во времен ной их жизни с их подружии быти, и тогда священству их бысть. А егда богу вземшу их подружия, и по вышереченному пол их телес, то мертвы суть; и земля своего тела естественного в растление червем прият. И должни суть таковии, благодаря божия судбы и его повеления, в монастыри отходити и во иноческая одеяния от настоятеля духовного игумена острищи собе. И о своих согрешениях, и о своем конце, и о своем ответе рыдающе, и обновив себе, о всем чистым покаянием к своему духовному отцу и по достоинству: аще суть достойни, и тогда да священствуют таковии в монастырех, а не в мирских. И се же убо по божественных отец преданию во всей своей святей митрополии, отнюдуже в ню приидох. И таковое запрещение и заповедь священником вдовствующим возложих. Но и ныне грех ради наших и нужи ради, и ради божиих казней смертоносных на ны належащих на мало время от воздержания тех разреших. А ваше великое божие священство благословляю от мирских прейти со обновлением всяко духовным по достоинству во священноиноческая и юже ризу подобия одеяния ангельского восприяти хощете. И тако сию нескверну и чисту потщитеся со единородною своею безсмертною душей представит своему владыце. А ослушание о сем никако буди в вас, еже в мирских священствовати.

 

О ТЕХ ЖЕ ВДОВСТВУЮЩИХ ПОПЕХ И О ДИЯКОНЕХ ПРЕПОДОБНАГО ИГУМЕНА ИОСИФА ЛАМСКОГО ВОЛОКА САМОБЫВШАГО ТУ НА ТОМ СОБОРЕ, СОБРАНИЕ ОТ СВЯЩЕННЫХ ПРАВИЛ. ГЛАВА 79

О отлучаемых и изверженным быти от церкви от сего собора священником, не имущих жен. Мнози глаголют: Аще нецыи в зазоре суть, тех подобает отврещи. А не имущих жен а чисто живущих не повелевают ни апостольская, ни отеческая правила тех изврещи. А глаголют первым правилом седмаго собора, сиречь: от правил апостольских и отеческих в них несть приложит и. от них несть уняти. Ответ. Инии же мнози глаголют: Священным и божественным правилом аростольским и отеческим не сопротивляемся, но паче утвержаем и от церкви, аки гнил сосуд, отсекаем. А глаголете: Которые священницы не в зазоре сущи, а не имущи жен — подобает им служити. Мы же глаголем: Аще быти чистым, немощно злое то прелюбодейство искоренити. А мнози святии отцы из правил апостольских и отеческих оставиша, что есть на вред Церкви и на соблажение християнству. Апостольское правило повелевает епископу брака и мяса и вина не гнушатися. Ангирский собор правило 14 мясо ясти попом и дияконом повелевает, а о епископех умолче не повелевает. А шестый собор совершенно отсече еже епископу жену имети не на отвержемие, ни на развращение пятому правилу апостольскому, но на спасение и на лучшее поспешение людем промышляющим. Ни дадый никоего порока на священническое строение. Правило апостольское 14 епископу повелевает в ыную епископью прейти, аще от многих нудим. И от совершенного собора повелевает прейти. А сардийский собор, сиречь в Средцы, правило I апостольскому правилу не последует, еже епископом от града во град, сиречь оставльше свою епископью, иную взимати не повелевает. А второе правило того же собора отрече бо таковому: Ни во исходе от жития достойну быти причащению. Правило 85 повелевает чести осмеры книги Климентом сложеныя, честны и святыя имети их. Шестого собора 2 правило отврещися повелевает за некая ложная, иже суть чюжа благочестию иноверных приложили в них на вред церкви. В новей Кесарии правило 3 повелевает четвертому браку быти. А собор соединения никакоже повелевает четвертому браку быти, но и тягость церковную налагает. Собора в Кесарии правило 14 дияконом 7 должно быти, аще и зело будет велий град, послушествует же от книг Деяние. Шестого же собора правило 16 глаголет: Не добре разумеша того собора отцы, еже в книгах деяний апостольских о седми дияконех лежащего словеси, а не о служащих бо рече божественных тайн. Сего ради убо церкви не истязани будут по оному правилу по 7 диякон имети в службе божественных тайн, но каяждо церкви противу имению сходящемуся к ней да имать колико может. До 1-го собора праздноваху пасху християне в тойже день, в кий день и жидове творяху. И первый собор заповеда тако творити. Антиохийский же собор 1 отнюдь отсече праздновати со июдеи. В Лаодикии правило 16, яко чести в суботу евангелие со инеми писании повелеват. Толк. Тому правилу так ся нам мнит: не бе еще тогда церковное строение, якоже бысть потом, ныне же се правило упразднися. Тогоже правило 19: Мир дают священницы, сиречь целование, и потом мирстии людие презвитером мир даяху, рекше целоловахуся с ними, еже ныне не бывает — упразднибося. В Ааодикии 57 во дворех безкровная жертва не приношается ни от епископа, ни от попа се правило не повелевает. Шестого же собора правило 31 лаодикийский собор отвращает. Повелевает с повелением того места епископа презвитером служити в церквицах сущих внутри домов. Правило шестого собора 28 гроздия убо во время подобно к жертвеннику приносити и благословену быти от прозвитер и просящим сия раздавати. И святых апостол правило 3 прощает, еже безкровную службу сия совокупляти и купно обое разделяти людем. Се правило отрицает и повелевает к тому никтоже от прозвитер да не дерзнет се сотворими, аще ли ни — изврещи сего совершаю. А 6-го собора правило 29 не подобает карфагенского держали правила 41. Глаголет бо: от неядущих человек совершатися божественней службе, развес единого дни в лете воньже господня вечеря сотворяется. В великий бо четверток по вечере творяху божественную службу. Се же правило сохрани еже есть твердо. Ни того дне не оставляет, но повелевает в той день, рекше в великий четверток, святым неядшим безкровную службу совершить и юде такожде неядшим той причаститися. Да не преступлеия ради единого дне весь пост безчествуем. Шестого собора правило 82. От дpевних на неких писаных честных икон агнец перстом предотечевым являет. Се же правило не повелеват Не подобает образа паче истины агнец на честных иконах пйсати перстом предотечевым показуема, но самого триста, бога нашего, и шаровными писании по человеческому образу написовати. В древних обычай бе на сосуд злат или от иноя какоя вещи сотворити в руку, место якоже тем прияти божественный дар и причащения сподобится ему. Cue отмешет шестый собор. Не подобает тако творити. Таковый да отлучится сам же и давый ему, яко честнее творя божия образа бездушное злато или кую иную вещь данную в работу человек ком. Яко аще кто пречистого тела прич ститится хощет в соборная времена, и един к нему причащением быти руце назнаменуя во образ креста, тако да приступает, и да приемлет приобщения благодати. А лаодикийскаго собора правило 27 заклинателем прощает быти. А о диаконисах 4-го собора правило 15 повелевает им быти. А карфагенского собора правило 6 повелевает же им быти, и многим иным правилом послушествует быти. А после седмаго собора никакоже их глаголет и не пребывают. Якоже святый Григорие акраганский глаголет: Велии в человецех суть дари божия свыша данного человеколюбия — священничество же и царство. Овоже божественным служа, овоже и человеческими обладая и промышляя, и от единого тогоже начала обое происходя, человеческое украшая житие. Яко аще тщанно, тако будет царем, якоже священных чистота. И о царех священницы всегда бога молят, аще убо непорочни будут. Везде к богу имут дерзновение. Сему же быти веруем, еже священных канон соблюдение сохраняется, емуже поюще и покланяющеся, и самовидцы божия слова предаша, апостоли и святии отцы сохраниша и сказаша. И глаголете: иже кто от седми собор приложит или уложит, — то глаголют святии собери о Господе нашем Исус Христе и о истиннем бозе. И якоже в коемждо паче же в шести соборех сих о вере взыскание бысть и парок, рекше устав, учения изнесеся. Первому уставльшу единосущна Отцу Сына сказа и во святый Дух веровати. Второму же единосущна Отцу и Сыну и Духу яве уставльшу спокланятися устави. Третьему же совершенна о божестве тому совершенну о человечестве Господа нашего Исуса Христа уставльшу единого, а не два сына устави. Четвертому же прежеглаголанная утвердившу две естестве в нем знати, неслиянне и нераздельно яве беседоваша. Пятому же то извествовавшу по обойма естествома хотениа же и действенна, и суща знаема, яве извеща. Шестому же всех собор поновившу и известившу совершена Господа нашего Исуса Христа в божестве и в человечестве сказанна. Седмый се собор на иконоборцы рекше, на оклеветающих християны и сих прокленше церкви же древнюю красоту ей дароваша. Иконная воображения той имети и любезно облобызати — сия добре заповедавше. Такоже и образу честного креста покланятися, облобызавше и утвердивше. К сим заповедем о Господе нашем Исусе Христе и истинном бозе, и о поклонении святых икон, аще кто приложит или уложит — да будет проклят.

 

О ТЕХ ЖЕ ВДОВСТВУЮЩИХ ПОПЕХ ГРАМОТЫ ВЕЛИКИХ КНЯЗЕЙ. МЫ ИВАН. ГЛАВА 80

Божиею милостию государь всея Русии и великий князь и сын мой князь великий Василей Иванович всея Русии, что говорил с нами отец наш, Симон, митрополит всея Русии. Что он, еже о святем Дусе с своими детьми: с Генадием, архиепископом великого Новаграда и Пскова и с Нифонтом епископом суждальским и торуским, и с Протасьем, епископом рязанским и муромским, и с Васьяном, епископом тверским, и с Никоном, епископом коломенским, и с Т рифоном, епископом сарьским и подонским, и с Никоном, епископом пермским и вологодским, и с архимандриты, и с игумены, и со всем священным собором — обыскали того, что в нашей православной вере християнской греческого закона, многие священники, попы и дьяконы вдовцы заблудили от истины и, забыв страх божий, делали безчиние опосле своих жен. Держали у себя наложницы, а вся священническая действовали. Егоже не достоит им творити, их ради безчиния и скверных дел. И они, соборне того обыскав, да по правилам святых апостол и святых отец, и по поучению святого великого чюдотворца Петра митрополита всея Русии, и по написанию Фотея митрополита всея Русии уложили и укрепили о попех и о дияконех о вдовцех. Что того ради безчиния, от сего времени впредь, попом и дияконом вдовцом всем не служити, а которых попов и дияконов в наложницах уличали, и которые сами на собя сказали, что у них наложницы были, да ставленые свои грамоты к святителем принесли, ино тем попом и дияконом впредь наложниц у себя никакоже не держати. А жити им в миру, кроме церкви, и верх тем влас своих растити и одежда тем носити мирская, и дань им давати с мирскими людьми. А никакоже священнических дел никоторых не действовати, ни касатися. А которой тех попов и дияконов вдовцов не отдал своей ставленые, да сойдет где в далние места, взяв с собою жонку, а назовет ее себе женою, да нерадением учнет служити в митрополии или во архиепископьях, или в епископьях, и которых в том уличат, ино тех пор то предавати градцким судиям. А которые попы и дияконы вдовцы же, а слова на них нету о падении блудном, да и сами про себя сказали, что после своих жен живут чисто, и они соборне о тех уложили, что тем стояти во церквах на крылосех и причащатися попом в олтаре в потрахели. Да и в домех у себя патрахель держати. А дияконом причащатися в олтарех же в стихарех со уларем. А не служити ни попом ни дияконом вдовцом. А которые попы «ияконы на их место у тех церквей учнут служити, и им тех опов и дияконов вдовцов не отсылати, а давати попом «чусебным попом вдовцом и дияком служебным дияконом «одном четвертую часть во всех церковных доходех которой тех попов и дияконов вдовцов не учнут в церкви на крылосе стояти, а учнут мирская деяти, и тем четвертые части во всех церковных доходех не давати. А кто тех попов и дияконов вдовцов, которые после своих жен живут чисто, захотят во иноческая одеяния одети собе, и таковии благодаря божий судьбы в монастыри отходят и от духовного настоятеля от игумена постригаются. И, бновив собе о всем чистым покаянием, к своему отцу духовному и по достоинству, лще суть достойни, и тогда таковии со благословением святительским да священствуют в монастырех, а не в мирских. А. что в монастырех жили в одном месте чернцы и черницы, а служили у них игумены. И они уложили, что от сего дни впредь чернцом и черницам в одном монастыре не жити. А в котором монастыре учнут жити чернцы, ино туто служити игумену, а черницам в том монастыре не жити. А в котором монастыре учнут жити черницы, ино у них служити попом бельцом, а чернцом в монастыре не жити. А которой поп или диякон, которого дни упиется допьяна, и ему назавтрие обедни никакоже не служити. А на большее утвержение сего уложения и укрепления, Мы Иван , божиею милостию государь всея Росии и великий князь и сын мой Василей Ивановичь и великий князь всея русии к сей грамоте печати свое привесили. А отец наш Симон митрополит всея Русии к сей грамоте руку свою приложил и печать свою привесил. А архиепископы и епископы к сей грамоте руки свои приклали. А писана на Москве лета 7OOO вторагонадесять себтяврия. Аз, смиренный Симон, митрополит всея Русии к сей грамоте руку свою приложил и печать свою привесил. Аз, смиренный Генадей, архиепископ великого Новаграда и Пскова к сей грамоте руку свою приложил. Аз, смиренный Протасей, епископ рязанский и муромский к сей грамоте руку свою приложил. Аз, смиренный Васьян, епископ тверский к сей грамоте руку свою приложил. Аз, смиренный Никон, епископ коломенский к сей грамоте руку свою приложил. Аз, смиренный Т рифон, епископ сарский и подонский к сей грамоте руку свою приложил. Аз, смиренный Никон, епископ пермский и вологоцский к сей грамоте руку свою приложил.

 

ОТВЕТ О ВДОВЫХ ПОПЕХ И О ДИЯКОНЕХ. ГЛАВА 81

Якоже преже нас отцы соборно изложиша и уставиша по священным правилом святых апостол и святых отец, и по поучению великого чюдотворца Петра митрополита киевского и всея Русии, и по написанию святейшаго Фотея митрополита киевского и всея Русии, что вдовым попом и диякочом не служити, а которые обещаются в чистоте пребывати, и тем попом и дияконом стояти на крылосе а имати им у служащих священников и у дияконов, которые на их место станут, во всяких церковных доходех четвертую часть. Да тем же вдовым попом и дияконом повелели им соборне потрахели держати в домех. Да и причащатися им в церкви в олтаре и в патрахели, а не служити. А дияконом держати стихарь да уларь и причащатися в олтаре, а не служити. А не учнут те вдовые попы и дияконы на крылосе стояти, а учнут мирская действовати, и им четвертой части у служащих у попов и у дияконов не имати и на крылосе не стояти. А которые те вдовые попы и дияконы после своих жен учнут жити в чистоте и в покаянии, и в прочих добродетелех, да стоят на крылосе. Или после своих жен восхотят во мнишеский чин пострищися в монастырех, у духовных пастырей, да, обновив собя чистым покаянием, и восхотят служити, и они благодаря бога да с благословением святительским, аще будут достойнии, — да служат божественную литоргию и вся священническая действуют в святых церквах в монастырех, а не в мирских местех. А в мирских местех никогда же не живут, ни действуют. И ныне и впредь тем вдовым попом и дияконом жити потому же, якоже прежде нас соборне уставили по святым правилам. А святыми церквами тем вдовым попом и дияконом не владети и духовных детей им не дрьжати. А владети и действовати святыми церквами служащим священником и дияконом, которые на их место станут. А тем вдовым попом и дияконом ни во чтоже церковное не вступатися, но токмо в чистоте пребывати да на крылосе стояти, моля бога, и уреченную четвертую свою часть у служащих священников и у дияконов имати. А которые вдовые попы и дияконы учнут мирская действовати, и тем в миру и пребывати, и царской дани да подлежат. А на крылосе однолично таковым не стояти и четвертой части не имати. А которые те вдовые попы и дияконы обещаются чистоту хранити и на крылосе стояти, тем попом и дияконом имати у святителей благословенью патрахельныя и уларные грамоты крепости для и бережения, а пошлин от них не давати. Да в теже им грамоты писати, что вдовым священником и дияконом, которые обещаются в чистоте пребывати по священным правилом, святого 6-го вселенского собора 5 правило, в дому у себя женского полу не держати от зазорных лиц, но токмо кому матерь и сестру или тетку по отце или по матеро или дщерь свою. Преступающия же cue — изврещи повелевают, а мирских — отлучают.

 

ОТВЕТ О ТОМ, ЧТО ВПРЕДЬ ЧЕРНЦОМ И ЧЕРНИЦАМ В ОДНОМ МОНАСТЫРЕ НЕ ЖИТИ. ГЛАВА 82

Да на том же соборе преже нас отцы по священным правилом уложили, что в одном монастыре чернцом и черницам не жити. И мы ныне по тем же священным правилом и по преже вложенном соборе, что в монастырех жили в одном месте царицы и черницы, а служили у них игумены. И впредь черниом и черницам в одном монастыре не жити. А в котором монастыре учнут жити чернцы, ино туто служити игумену, а черницам в том монастыре не жити. А в котором монастыре пчнут жити черницы, ино у них служити попом белъцом, а чернцом в том монастыре не жити.

 

ДА НА ТОМ ЖЕ СОБОРЕ ПРЕЖЕ НАС ОТЦЫ УЛОЖИЛИ. ГЛАВА 83

Аще, который поп или дьякон упьется которого дни допьяна, и ему назавтрие обедни не служити никакоже. Аще ли обличен будет — да отлучится, аще ли не престанет — да изверлсется по священным правилом. И о том священником и дьяконом бречи накрепко. Ясти и пити в славу божию, а не во объядение, ни в пьянство. Якоже сам Христос отрече: «Да не отягчают сердца ваша объядением и пиянством, и печальми житейскими».

 

ОТВЕТ О НОВОПОСТАВЛЕННЫХ ЦЕРКВАХ И О НОВЫХ ПУСТЫНЯХ И О ПУСТЫННИЦEX. ГЛАВА 84

О сем вельми подобает епископом, коемуждо во всей области, бреши по священным правилом и не попущати мирским людем новых церквей поставляти, а старые церкви презирати и небрегоми держати. Мнози бо человецы не бога ради церкви созидают, но тщеславия ради и гордости, и мест ради, и жен своих. Нецыи же от снов смущены и от бесов прельщаеми лжут и возлагают на собя обеты, и того ради хотят церкви воздвизати и молитвенные храмы поставляти. И не могут удовлети или устроити тех святых мест святыми иконами и книгами, и свещами, и служащими священники, и дияконы, и прочими причетники. Аще ли сначала возмогут, и по мале времени оскудевают, и пусты стоят, потому занеже не бога ради созидают, но тщеславия ради и прочая якоже и преди рехом. Нецыи же без благословения епископов поставляют. И о сем святых отец карфагенского собора правило 83 таковы: церкви и молитвенные храмы епископом разоряти повелевают. Такоже и в великом монаканоне грань 3, главизна 13 глаголет бо тамо сице: яко достоит хотящим молитвенные храмы или церковь созидати, и беседовати о сем градскому епископу и подаяти довлеющая ко светилогорению и священней службе и всегдашнему места блюдению, и пропитанию приседящих. И тогда епископу вещь всем явльшу с народом тамо прийти и с молитвою водрузити крест. И тогда Делу прикоснутися, и тако начни нов храм созидати или ветхий обновляти. Принужается с наследники своими от епископа и строителя князя начаток совершити в предиреченней убо грани и главизне. Такоже и инде божественная правила глаголют. В другом же паки законе градстем глаголет: никакоже попущати нова церкви или молитвенные храмы, разве якоже сии законы завещевают. Опаснейши же глаголют сице, яко аще кто не довлеет к сему, имени же убо желая еже той создатель церкви нарещися. Многи церкви суть пастися от ветьхости хотят или малы суще неукрашены, и лепо есть ему едину от таковых церковь восприемшу, ту созидати. И сию со ответом боголюбезнаго епископа.

 

О ЗАТВОРИ И ЦЕХ И О ПУСТЫННИЦEX. ГЛАВА 85

Также о затворницех и о пустынницех святаго шестого вселенского собора правило 41 и 42 запрещают безчину скитающихся, и в монастыри повелевают их отсылати, и в затворы затворяти. Аще ли того не хотят, от градов да ижденутся, да своему обещанию не ругаются, и в пустынях да не живут, от нихже имя себе стяжаша. Нецыи же иноцы не могии терпети во общих монастырех пастырского учения и наказания ниже своего обета воспомянуша в постригании, исходят и скитаются по градом и по весем. Нецыи же пустыни по селом созидают и церкви поставляют, и стужают царю и боголюбцем. И многим православным — в соблазн и в смущение таковое их не о бозе строение, паче же безчиние и запустение святых церквей. И таковым по священным правилом подобает епископом возпрещати и не попущати безчину скитатися, ниже пустыни по селом поставляти. Самем неискусным суще, како могут иных духовно пользовати, аще ли же божиим произволением и по откровению святаго Духа или царскою властию отныне и впредь пустыни да созидаются, и святыя церкви да поставляются по благословению своего епископа в коейждо области. По соборному уложению мелкие пустыни сносити в одну пустыню, в которой чин совершается по бозе, и впредь бы им мочно прожити, или в монастыри старые во общие переместити их, как им мочно жити, а на соблазн в миру бы не скиталися. А те церкви пустынные переносити в монастыри же или на погосты и устроити, как вместимо службе быти, или приделы в тех церквей имя учинити по разсуждению. А выставки церкви, где запустели и впредь им не мочно быти, ино бы сносили их на погосты к старым церквам, да приделы в того храма имя устроили чтобы было безгрешно.

 

ОТВЕТ О ИЗБРАНИИ И О ДОСТАВЛЕНИИ АРХИМАРИТОВ И ИГУМЕНОВ ЧЕСТНЫХ МОНАСТЫРЕЙ ПОВЕЛЕВАЮТ СВЯЩЕННАЯ ПРАВИЛА. ГЛАВА 86

Избирати митрополиту и архиепископом и епископом, коемуждо во своем пределе, архимаритов и игуменов в честныя монастыри по цареву слову и совету, и по священным правилом, ничтоже претворяюще и по прошению о Христе братству пейждо честной обители. И избрав, посылают их ко благочестивому царю. И аще будет богу угоден и царю, и таковый лрхимарит и игумен по священным правилом да поставлен будет А избирают их святители и поставляют ни по страсты, ну по любви, ни по мзде, но бога ради по священным правилом, развее проторов церковных уставленных в митрополиях и во архиепископьях, и во епископьях по тем же священным правилом. Такоже и в попы, и во дияконы ставити безо мзды даже и до самого ключаря и прочих причетников.

 

О ПРОТОРЕХ НА ПОСТАВЛЕНИЕ ДИЯКОНА И ПОПА. ГЛАВА 87

От послания цареградскаго преосвященного кир Филофея. Послано на Русь с Дионисием архиепископом суждальским. По мзде не поставляти, а еже на мзде наставление — нечестие порицается явно, и того ради и поставляемыя яже многажды о себе сами исторы сотворяют на свещи, на вино и прочия пошлины, и на трапезу. Таковая же не врежается сим, ибо наставление туне бывает, якоже рече Христос: «Туне приясте, туне же и дадите». Ино бо еже взимати мзды, наставления ради, ино же о нужных потребах исторы. И обретаем господа нашего Исуса Христа, ходящу ему во многия домы со ученики своими и достойная восприяти его, иже учаще истинному слову и богоразумию и чюдеса многа сотворяюще, приимающа яже от них бываемыя. И сия множицею и любочестием. Егда бо вниде рече в дом Матфея мытаря и сотворити ему учрежение велико, и в дом вшедшу ему Марии, и Марфы тщашеся о мнози службе. И другая многа такова обрящеши. Божественный же апостол Павел от Моисеева закона провидя, да не завяжеши рта волу верхущу. Таже разум божественного писания толкуя — егда о воловех радит рече бог, но нас деля вся глаголет. Такоже священие содевающе от церкви да ядят, олтарю служащий со алтарем соделяются. Тако и Господь повеле, еже евангелие благовествующим от евангелия жити и прочее.

 

О ТОМ ЖЕ БЛАГОЧЕСТИВАГО ЦАРЯ УСТИНИЯНА. ГЛАВА 88

За обычая же а, токмо даяти поставляющимся епископом прощаем, яже посем в сем законе писано суть. Повелеваем убо преблаженным епископом и патриархом, се же есть папе старого Рима и Константина града патриарху, и александрьскому, и божия града Антиохея, и иерусалимскому. Аще обычай имать епископом или причетником за свое наставление 20 литр нернир или мнее даяти, таковая токмо дают якоже обычай свесть. Аще же боле сего закона вдавается ничтоже 20 литр перпир да не дается. Поставляющимжеся от митрополит и от патриарх. Аще убо менши 30 литр пернир сход на всяко (то имать церкви поставляемого, даяти за насаждение на естол 100 перпир. Грамотиком же поставляющаго и инем служащим ему и по обычаю вземлющим даяти перпир 300. Аще же церковный сход на всяко лето сходящимся менши будет 30 литр перпир, не менши же 10 литр за насаждение, убо на престол даяти 100 перпир. И нем же всем по обычаю вземлющим даяти перпир 200. Аще же будет сход церковный менши, убо десяти, не менши же пяти литр перпир, даяти за насаждение на престол перпир 8. Всем же по обычаю вземлющим дати перпир 90. Аще же будет сход церковный менши пяти, не менши же трии литры перпир, церковное притяжание имать даяти за насаждение на престол 18 перпир. Всем же прочим по обычаю вземлющим даяти перпир 24. Аще же будет сход церковный менши убо три, не менши же дву литр перпир, даяти за насаждение на престоле перпир 12. Всем же по обычаю вземлющим даяти перпир 16 епископу же. Егоже церкви менши дву литру перпир схода имать ни за насаждение на престоле, ни за иные ни за которые обычаи даяти, что не прощаем. Таковая же нриемлюще старейший прозвитер и старейший диякон ноставляющаго епископы по обычаю вземлюще да разделяют.

 

О ТОМ ЖЕ ДОСТАВЛЕНИИ И О ПРОТОРЕХ ОТ ПОСЛАНИЯ ФОТЕЯ МИТРОПОЛИТА КИЕВСКАГО И ВСЕЯ РУСИИ ВО ПСКОВ. ГЛАВА 89

Сего ради правило, еже о поставлении священническом пошлину давали обычно, повелительным своим писанием присноблаженнаго царя Исакия Комнина, якоже ко иным вещем, сия пишет. Оброжает царство мое поставление священническое и о правителъных древних образ действо творити. Ничтоже лишнее о ставлении да не емлемо будет, разве 7 златниц. Едину бо златницу егда поставят кого в четцы. А 3 егда на дияконство. 3 же — егда на поповство. Сего же устава царева подтвержает соборный суд, бывший от патриарха Михаила начало философом, и другое соборное знамение, бывшее от патриарха Николая такоже повелевающее, якоже царево писание, толико уставивше даяти от наставления. Мы же соборне повелехом от дияконства и от поповства две златницы на собор взимати, сиречь рубль московской, да благословеная гривна. А в одне дияконы поставити — златница дати, сиречь полтина московская, да благословеная гривна. А готового диякона в попы совершили — полтина же да благословеная гривна. А от патрахельных и от уларных грамот пошлин не имати, разве писчего алтына да печатного алтына же. А от настольных грамот архимадричьих и игуменских имати по две златницы, сиречь по рублю московскому. А от благословенных грамот имати по златнице, сиречь по полтине. А боле того ничтоже не изтязуют, ниже вземлют. Но по мзде не поставляти. Аще ли кто поставит по мзде — да извержется сам и поставленнии от него по священным правилом. И того ради епископом подобает с великим испытанием избирати достойных и могущих вся пастырская строити, и священное исание в конец ведущаго, и святую церковь, и монастырское строение, и церковный чин по божественному уставу могий гполнити. Наипаче же возможе понести и исправити с божиею помощию Христово стадо словесных овец, еже о Христе братство, богом врученное ему, и всех приходящих под кров тоя чес ныя обители. Потом же и внешним могий ответ согворити не токмо царю и вельможам, но и многим в духовную пользу. Сицевых убо достоит избирати и поставляти по священным правилом. Такоже и епископом коемуждо во своем пределе избирати и поставляти в попы и в дьяконы о всем по священным правилом, ничтоже претворяюще. И известно испытати отцем его духовным и седмью свидетели о чистом его жительстве и о пребывании, и о летех возраста. Аще тридесять лет имать и грамоте умеет, и аще будет достоин, таковый да поставлен будет в попы. А в дьяконы, аще 25 лет возраста имеет и будет достоин, таковый в дьяконы да поставлен будет. Аще ли и зело достойни будут, и леты несовершены по священным правилом, таковых не поставляти до урочных лет. А которые дияки учнут приходити ко святителем ставитися в дьяконы и в попы, грамоте несовершенно умеют, аще будут и леты совершены, и им таких не поставляти, да посылают их по соборным церквам. И велят их учити протопопом и священником соборным, чтобы на соборе псалмы и псалтырю говорили и каноны конархали, дондеже навыкнуть церковный чин. И тогда, аще будут достойни, да поставлени будут, А которые дияки учнут приходити ставитися в дьяконы и в попы, а грамоте мало умеют и леты не совершенны, а хотя будут и леты совершенны, а грамоте мало умеют, и святителем таких дияков отсылати к мастером в книжное училище дондеже научатся совершенно грамоте и церковному чину по священным правилом. И аще будут достойни, и тогда поставлены будут. И по наставлении повелевают им святители у соборных церквей седмицу служити. А егда отслужит новосвященный поп урок свой у соборные церкви, якоже обычай есть, епископ, атпущая его к порученной ему церкви, наказав и даст ему от правил святых апостол хиротонию, и прочет ему свиток сей, и положит на престоле, и велит ему взяти ведение и память священия. Наипаче же наказывают их духовне, чтобы сами жили в чистоте и в покаянии, и в прочих добродетелех во страсе божий. И о всем бы могли по святей хиротонии Церковь божию блюсти и хранити и православных християн страху божию учити. И наказывали бы о всех полезных по тойже святей хиротонии, ничтоже претворяюще, но по бозе вся устрояюще и воздержащеся от всякого зла и зазора неподобнаго, наипаче же блюстися от объядения и пьянства, и клеветы, и лжи, и прочих неподобных дел, ихже ненавидит бог. И аще в вас плод духовный узрят ваши духовные дети, то на вас смотря, мнози спасутся по реченному Христову словеси: «Вы есте свет миру, вы есте соль земли». И того ради подобает вам священство свое хранити и чисто блюсти себе от всякого зазора, якоже и преди рехом о всем по святей хиротонии. Такоже и дияконов поучати, чтобы свое дияконство чисто и непорочно хранили и жили бы в чистоте и в покаянии, и в прочих добродетелех безо всякого зазору неподобного. Наипаче же прилежаще со страхом божиим ко святей церкви и ко священнику о Христе, в покорении и в совете духовном, и к прочим православным християном, в любви и смирении. И о всем себе соблюдающе и образ всем показующе добрым делом, да и прочия видя, прославят бога, давшаго вам священную власть и смиренную мудрость. И аще тако пребудете, то блажени будете и сугубой чести от бога сподобитеся не токмо зде, но и в будущий век по божественному Павлу: ихже око не виде и ухо не слыша, и на сердце человеку не взыде, яже уготова бог любящим его и хранящим о всем заповеди его.

 

ОТВЕТ О ТОМ КОМУЖДО ПОДОБАЕТ СВОЙ ЧИН ХРАНИТИ. ГЛАВА 90

И того ради подобает архиереем и иреем, и дияконом, и всякому священническому и иноческому чину подобает комуждо свой чин хранити и блюсти, не токмо житие чисто и непорочно, но и делом, и словом, и хожением, и взором, и слухом безо всякого зазору неподобного. И в ризах и во обуищах комуждо свой чин соблюдати. А излишними не украшатися ниже во градех, ниже в домех, ниже на пути в неподобны ризы облачитися и излишняя искати. Аще ли кто от причетник таковая сотворити дерзнет, — да будет под запрещением священных правил святаго вселенского шестого собора 27-го правила. Тамо бы изъявиша не токмо о причетницех, но и о мирских, начен от синеклита и до просителя даже и до самых жен комуждо свой чин имети. Якоже глаголет 27 правило, никтоже от причитаемых в клирос в неподобну ризу да облачится ниже во граде живя, ниже на пути шествуя, но одеяния да носит усвоенная иже в клиросе причетенным. Аще же кто таковое сотворит — на едину неделю да отлучится. Толк. Никтоже от причитаемых во священном в церковном причте в неподобную ризу да облачится ниже во граде пребывая или в коем селени жительствуя, или на пути шествуя, но приличное и усвоенная причетником да носят. И ино одеяние воину, ино одеяние тысящнику, ино пять десятнику, и ино одеяние купцу, и оно златарю, ино железному ковачю, и ино орачю, и ино просителю, и ино женам, якоже им носити и глаголемыя торлопы. Их же обычай имеют и причетницы носити златом и бисером и камением украшены, и cue неподобно есть, причетником тако украшатися женским одеянием, ниже воинское одеяние носити им. К.омуждо подобает свое одеяние, от тех же и познавается койждо кто есть коего чина. Епископу же, уставляет Павел апостол, целомудру быти и благовейно украшение имети. Такоже и женам во украшение благолепие со благоговением и целомудрием украшати собя, а не плетением злаком и сребром и ризами многоценными. Но по християнскому жительству и учительству господню и святых его ученик всем тшанием и всею мыслию искати вечных благ, ихже уготова бог любящим его. Прочти же к сему и 7-го вселенского собора правило 16. Такоже и всякие игры, и глумы, и позорища всем причетником отречено бысть, по пятъдесятному правилу и 51-му святого вселенского шестого собора. Толк. Обема правилом тем и мирстии человецы християне суще чисто житие имети истязаеми суть. Того ради правило се. Аще кто от них играет или плясание творит, или шпилманит, рекше глумы деет и на видение человеки сбирает и ловитвам прилежит — таковыя отлучает. Причетницы же, аще что от реченных сих вин сотворят — да извергнутся. Правило 69 святых апостол. Аще который епископ или презвитер, или диякон, или чтец, или певец в 40 дний, сиречь в великий пост, не постится и во все лето в среду и в пятки — да извержен будет. Токмо аще не пакостит ему телесная болезнь, немощному бо прощено есть по силе вкушати масла и вина. Аще мирский человек не постится — да отлучится.

 

ОТВЕТ О КРОВОЯДЕНИИ И УДАВЛЕНИНЫ НЕ ЯСТИ. ГЛАВА 91

Также правило 67 святаго вселенского шестого собора возбраняет всем православным удавленины и крови ясти, сииречь колбасы. Правило 67-е. Божественное писание заповедало есть удалятися от крови и удавленины, и от блуда. Нецыи бо угождения ради чревняго кровь коего любо животного хитростию никакою сотворят снедно еже глаголют колбасы, и тако кровь ядят. Подобно запрещаем таковым. Аще убо кто кровь отныне животного ким любо образом ясти начнет или удавленину, аще есть причетник — да извержется, аще ли мирский человек — да отлучится. И того ради благочестивому царю повелети по всем градом свою царскую заповедь послати и по торгом многажды кликати, чтобы у давленых тетеревей и утиц, и зайцов не возили, и православные бы християне удавленины зайцов и тетеревей, и утиц удавленых не покупали, и удавленины бы и всякого животного крови не яли, тем бы себя не оскверняли и бога тем не гневили, и боялися бы священных правил запрещения. Да не осуждени будут отлучением от всякия святыни. Также и священнический чин да не постражет конечным извержением по тем же священным правилом.

 

ОТВЕТ О ИГРИЩАХ ЕЛЛИНСКАГО БЕСОВАНИЯ. ГЛАВА 92

Еще же мнози от неразумения простая чадь православных християн во градех и в селех творят еллинское бесование, различныя игры и плескание против праздника рождества великого Ивана Претечи в нощи и на самый праздник в весь день и нощь. Мужи и жены, и дети в домех, и по улииам обходя, и по водам глумы творят всякими игры и всякими скомрашствы, и песньми сатанинскими, и плясанми, и гусльми, и иными многими виды, и скаредными образовании, еще же и пьянством. Подобна же сему творят во днех и в навечерии рождества Христова, и в навечерии Василия Великаго, и в навечерии богоявления. А инде иным образом таковая неподобная дела творят в троицкую суботу. И заговев Петрова посту в первый понедельник, ходят по селом и по погостом, и по рекам на игрища. Тая же неподобная еллинская бесования творят, и тем бога прогневают. В неведыи согрешают простая чадь. Никим же возбраняеми и обличаеми ни запрещаеми, ни от священник наказуеми, ни от судей устрашаеми таковая творят неподобная дела святыми отцы отреченная. Вместо же сего бесования отныне и впредь подобает крестияном на таковая святыя и честныя праздники и посты к церквам божиим на молитву упражнятися и песньми божественными услаждатися, и святаго почитания божественного со вниманием слушати, и на божественных литоргиях со страхом стояти, и потом брашном и питием в домех своих учреждатися вкупе, о бозе ликовствующе со священническим чином и со други своими и маломощных питающе, и веселящеся в славу божию, а не пьянством, якоже и в прочия господьския праздники. И того ради по священным правилом и по заповеди святых отец отныне и впредь всем православным християном на таковая древняя еллинская бесования не исходити ни во градех, ни по селом, ни по рекам. И о том благочестивому царю по всем градом и по селом своя царская заповедь учинити, чтобы православные християне на таковое бесование еллинское: впредь не сходилися и чтобы то еллинское бесование отныне и впредь божиею благодатию и в твое христолюбивое царство попрано было до конца. И о том о всем еллинском бесовании и игрании свидетельство от священных правил сице написахом. Святаго вселенского шестого собора правило 50 и 51 запрещает всякое играние. Толк. Пятьдесятное убо правило собора сего возбраняет играти всем и причетником, и мирским человеком зернью и шахматы, и тавлеями, и влириями, рекше костьми, и прочими таковыми играми. 51 правило всякое играние возбраняет и отметает и причетникам, и простым людем. Такоже и упивание в пьянство. Не предаде господь бог пити вина в пьянство, но в веселие, иже в печали сущим и в жестоких скорбех пребывающим, и многим попечением утомляющимся или во многих болезнех, на здравие сущим или на мало отдохновение в великих недузех изнемогающим. Люто бо есть пьянство, сего ради отречено бысть. Не упивайтеся, — рече бо, — вином, в нем же есть блуд. Но и от корчемническаго делания и служения клирицы возбраняются по 9-му правилу тогоже святаго шестого собора. Праздность бо и пьянство, и играние всему злу начало есть и погубление велие. Сего ради отрицают вся божественная писания и священныя правила всякое играние, и зерни, и шахматы, и тавлеи, и гусли, и смыки, и сопели, и всякое гудение,670 и глумление, и позорище, лясание. Рече бо господь: «Горе вам, смеющимся ныне, возрыдаете и восплачете». И святых апостол правило 42 и 43 глаголет. Епископ или презвитер или диякон на игры упжняйся и на пьянство, или да престанет, или да извержется. Такоже и поддиякон, или чтец, или певец творяй, или да предмет. или да извержется. Такоже и простым человек. И новая заповедь глаголет. Аще епископ или презвитер, или диякон, или поддиякон, и прочий от причетник игры творяй, или приобшаяся играния творящим, или приседя, или позор, или лов зряй — отлучатся всякия священныя службы и пищи даяния своего лишаются. И уставляетжеся ему время некое к покаянию. Аще достоин внутрь времени, явится покаявся, паки приходит в свой степень, милости бо ради и человеколюбия божия сподобляется, паки священнического степени в немже аще кто бысть. Аще ли же по времени покаяния в таковая же возвращается и упражняется — совершенно изгоняется от причта. И паки в новых глаголет второе завещание первого гранеси. На три лета тем от службы отлучитися и покаянием очищатися, и тако восходити на священныя своя степени. Сокращаетжеся тем и умаляется время покаяния милости ради божия и человеколюбия, аще во страсе божий пребудут. Писано бо есть: «Страхом господним всяк уклоняется от зла».

 

ОТВЕТ О ТОМ ЖЕ ЕЛЛИНСКОМ БЕСОВАНИИ И ВОЛХВОВАНИИ И ЧАРОДЕЯНИИ. ГЛАВА 93

Правило 61 и 62 святаго шестого собора святых отец возбраняет к волхвом ходити и запрещает православным християном поганских и еллинских обычаев и игор, и плясания, и плескания, и над делвами, сиречь над бочками, и корчагами квас призывающее. и грохочюще, и прочих неподобных дел творити. И о всем о том толк. 61 правило. Иже последуют поганским обычаем и к волхвом или ко обавником ходят, или в домы своя тех призывают, хотящий уведати от них некая неизреченная, такоже и кормящей и хранящей медведи или иная некая животная на глумление и на прелщение простейших человек, и иже в получай веруют и в родословие, рекше в рожданииы, и в обояния, и иже глаголются облаки гонящей, таковая творящим повеле святым собор 6 лет запрещения дали.. Якоже за 4 лета — да стоят с припадающими. Друзии же 2 лета — да стоят с верными. И тако да сподобятся божественных даров. А ще же неисправлении пребудут, и по запрещении еллинских сих хитростей не останутся, от церкви всячески всюду да ижденутся. о волсвех же и о обавницах реша богоноснии отцы и иерковнии учитилие. Паче же инех Златоустый глаголет. Яко волшествующец и обавление творящей, аще и святыя Троица имя нарцают, аще и святыя призывают, аще и знамение честного креста Христова творят, бегати подобает от них и отвращатися. О том же еллинском бесовании тогоже правило 62. Каланты и вота, и врумалия еллински и греческим языком глаголется еже есть первые дние коегождо месяца, наипаче же марта месяца, празднование велие торжественно сотворяюще, и играния многая содевашеся по еллинскому обычаю. Се же собор всех сил и подобных сим играния творящих отметает и запрещает. Сице же и женская в народех плясания яко срамна суща и на смех и на блуд воставляющц многих. Такоже мужем и отроком женским одеянием не украшатися, ниже просто женская одеяния носити. Ни женам в мужеска одеяния облачатися, но комуждо подобная своя одеяния имети и от сего познаватися. Такоже неподобных одеяний и песней плясцов и скомрахов и всякого козлогласования и баснословия их не творити. Егда же вино топчют или егда вино в сосуды проливают, или иное кое питие сливают, гласование и вопль велий творят неразумнии по древнему обычаю еллинская прелести. Елиннскаго бога Диониса, пьянству учителя, призывают и, гласящи великим гласом, квас призывают, и вкус услажают, и пьянство величают. Се же святый собор сих всех не повелевает творити. Неповинующихжеся — запрещает. Пребывающих же в том, аще причетницы суть — изметает, аще мирстии суть — отлучает. К сим же прочти и святых апостол правило 42 и 43 и иже в Лаодикии собора правило 53 и 54, и собора иже в Трулле правило 24 и 50 и 51, и иже в Карфагене собора правило 60 и 61. Инде же 64 и 65 и 15 правило тогоже карфагенскаго собора глаголет. Яко чада священническая позорища не творят, ниже созирают позорствование. Се же и всем християном предано есть, яко идеже хуление бывает — не приходити. И новыя заповеди Устинияна царя последующе священным правилом в 37 главизне отрицают играние всякое и позорствование творити всем священным епископом и презвитером, и дияконом, и поддияконом, и четцом, и певцом, и прочим причетником, и иноком прочим. О том же еллинском бесовании правило 65 шестого собора. Вжизаемыя огнища в новыя месяца от неких пред своими де дате льни цами и пред домом яже и прескакати нецыи по некакому обычаю древнему блудят, отселе престати повелеваем. Иже убо таковое что сотворит, аще клирик будет — да извержется, аще же простец — да отлучится. Писано бо есть в четвертом царстве: «И созда Манасие требник всему воинству небесному пред двема дворы дому господня и проведе чада своя по огню, и вошнествование, и вражаще, и сотвори волшебницы и угадателей, и умножи сотворити злое пред господем, якоже прогневати его». Толк. Нецыи же пред храмы своими идеже купят или продают, или пред враты домов своих пожар запалив прескакаху по древнему некакому обычаю. И се упражняюще отцы повелевают, аще убо обрящется причетник таковое нечто творя — да извержется, мирский же человек — да отлучится, ибо и Манасия царь, сквозе пламень провед чада своя и волшествуя, разгневи бога. Толкование тому же. Сей святый собор многия обычая древняя возбрани и отмета, якоже глаголемыя каланды и иная многая отверже. Такоже и сия, иже марта месяца и в прочия новыя месяцы волхвования сотворящая, или в великий четверток труд полагают в древо, и то древо иже имать в обоих концах труд, концы полагают во два древа, и той огнь вжизают во вратех или пред враты домов своих, или пред торговищи своими сюду и сюду. И тако сквозе огнь проходяще с женами своими и с чады своими по древнему обычаю, волхвующе, якоже писано есть в четвертом царстве о Манасии цари, иже сквозе огнь проведе чада своя, вражаше и волхвуяше, и разгневи бога. Всякое волхвование отречено есть от бога, яко бесовское служение есть. Сего ради собор сей отныне таковая творити не повелел есть и запрещает причетником — извержением, простым же — отлучением.

 

ОТВЕТ, В КОТОРЫЕ ДНИ СУД НЕ СУДИТСЯ И ПОЗОРИЩЕ НЕ БЫВАЕТ. СЕДЬМЫЯ ГРАНИ ГЛАВА I. ГЛАВА 94

Шестая заповедь повелевает, яко праздни суть, иже преже Пасхи 7 дний и 7 дний по Пасце, и день прежде Рождества Христова, и святаго богоявления, и страстей святых апостол день, и всякие недели, и в таковы дни позорище не бывает, ни суд судится в /5 дней, иже преже пасхи и по пасце, ни людский долг, ни особнии, ни стязуются. 17 заповедь повелевает в ту 15 дний свобожения и в пекленицах, идеже пекутся хлебы, работати, и продати, и еже от них поминания составляти. 50 заповедь тояже грани, глава 25 рече, яко в 40 дний святаго поста и в день святыя пасхи разбойницы мучатся. О немже свидетеля рещи подобно паче всех Исаврий. 3-я же заповедь 4-я грани 1-х книг свитка рече, яко в день святыя пасхи никтоже не затворяется в темницы и никтоже связывает, токмо прелюбодей и блудник, и восхищая девицу, и гробный тать, и отравник, и куяй втайне переперы, сииречь с подмесы, и убийца, и мучитель, ecu бо сии всегда по вине своей приемлют. Прочий же единою токмо помиловани бывают. О том же глава 4. Аще приспеет праздник царский, в неделю рекши воспоминание дни рождения его, или рожение сына и дщери его, или некое от таковых, прелагается позорище на ин день. Позори же дея, в неделю воинства лишен будет и имение его разграбити. Позывая на судище, преступив закон, тоже постражет . Подобно же есть совещевати и раздрешати в неделя. Рече же в книгах первых заповедей 2 и 1 3, яко жидове в су боту и во иныя их праздники ни плотских работ не творят, рекше ни ядят, ни пьют, ни пекут, ни варят, и ничтоже иного творят, ни людских ради, ни особных вин, не позываеми суть на судище, ни сами християн ни позывают.

 

ОТВЕТ КАКО ПОДОБАЕТ ХРИСТИЯНОМ ПРАЗДНОВАТИ. ГЛАВА 95

О том же божию святую и верховную апостол Петра и Павла правило 1-е и 2-е. Аз Петр и Павел заповедаяве людем делати в 5 дний в недели. В суботу же и в неделю да упражняются в Церковь, поучения ради книжного благоверия. Субота быти всея твари образ имать, неделя же — воскресения день. Правило 2-е. Великая же неделя, сиречъ страстная, и другая же по ней, рекше святых пасхи, да не делают людие, но да празднуют ecu раби и свободный. Оная убо неделя яко страсти господни есть, сия же яко воскресения его и требе и есть поучатися кто есть пострадавый и воскресе, и свободивый нас. О том же правило 66. От святаго воскресения Христа бога нашего дни до новые недели всю неделю пребывали бы подобает неоскудне верным псалмы и хвалами, и песньми духовными веселящимся о Христе и празднующим, и божественных писаний чтению внимающим, и святыми тайнами наслаждающимся. Будем сице со Христом воскресше и вознесшеся, да никакоже в предьлежащая дни конная у ристания бывают или людский ин позор да не действуется. Толк. Кто святым церквам подобает верным упражнятися во псалмех и в пениих, веселитися всю неделю, иже по святом воскресении Христа бога нашего. Толкование. Правило иного переводу. От святаго воскресения Христа бога нашего дни даже до новые недели всю седмицу во святых церквах упражнятися подобает неоскудно верным во псалмех и в пениих, и в песнех духовных веселящимся о Христе и празнующим, и божественных писаний чтению внимающим, и святых тайн наслаждающимся. Будем бо сице со Христом востающе же и возвышаеми. Никакоже убо в предлежащих сих днех конная течения или ин народный позор да творится.

 

О ЕПИСКОПЕХ И О ПРИЧЕТНИЦЕХ ПРАВИЛО 80. ГЛАВА 96

Аще кий епископ или презвитер, или диякон, или в причитаемых в клирос, или простец ни едину нужду тяжкую имать или вещь неподобну на множае остатися от церкви, но во граде пребывая в три неделъныя дни, в три седмицы не сходится в собор, аще клирик — да извержен будет, ащели простец — да отлучен будет от комкания. Толк. Иже за три недели кроме церкви пребудет без всякия нужи и великие напасти, аще есть причетник — да извержется, аще ли мирский человек — да отлучится.

 

ОТВЕТ О МИЛОСТЫНИ И О РУГЕ ПО МНОГИМ МОНАСТЫРЕМ. ГЛАВА 97

И по которым монастырем отец твой, государь, князь великий Василей Иванович, всея Русии самодержец, давал милостыню в приказ, а не в прок, и хлеб, и соль, и денги, и воск на свечи, и мед на кутью, и пшеницу на просфиры, и после того мати твоя, государыня, великая княгиня Елена, несполна в приказ же, а не в прок, давала не по вся годы, и после твоея матери, великия княгини, до твоего царского возраста многия монастыри грамоты поймали по вся годы имати милостыня в прок в ругу. А иные монастыри и церкви многие приходные внове в те же времена грамоты поймали ругу имати из казны. А у тех монастырей села есть и иные доходы, а у приходных церквей се приход улица, а у иных села есть и огороды, и сады, и пожни, и тыс пошлины и лавки поземныя. JJ,a и твою царскую ругу строили себе в те же времена из казны до твоего царскаго возпаста. И о том тебе государю благочестивому царю велети известно обыскати. По которым будет монастырем по большим и по меншим, и по убогим местом отец твой, приснопаметный государь, князь великий Василей Иванович всея Русии, давал в прок милостыню, и тебе царю и ныне по тем монастырем по тому же давати милостыня в прок. А по которым монастырем давал отец твой милостыню в приказ, а будет у тех монастырей села и доходы, и мощно им без той руги прожити, и то в твоей царской воли: и дати, и отложити. А по которым монастырем и церквам по убогим местом давал отец твой милостыню в приказ, а у тебя, царя, все те многие грамоты поймали, что имати милостыня в прок, и тебе, царю государю, и о том велети же обыскати известно. Которым будет убогим монастырем и церквам можно без той руги прожити, и то, государь, в твоей царской воли, а которым будет убогим монастырем и святым церквам без твоей руги впредь прожити невозможно, и тебе, благочестивому царю, достойно и праведно таковых пожаловати. Да и прочил убогия монастыри и места, и святыя церкви, не имущим ниоткуды помощи, устроити в свое христолюбивое царство. А которые ружные попы и дияконы временники в нынешнее лето причли к соборным своих попов и дияконов, да и ругу им и милостыню из царские твоея казны устроили без твоего царскаго ведома, и тех всех попов и дияконов оставити, и руги им царские не давати, и за столы их не пущати. И жити им и молити бога по старине у своих церквей.

 

ЛЕТА 7059-ГО СЕНТЯБРЯ В 15 ДЕНЬ. ГЛАВА 98

Говорил с государем и великим князем отец его Макарий, митрополит всея Русии, приговорил ecu государь преже сего с нами, с своими богомолъцы со архиепископы и епископы, о слободах наших митрополичих и о архиепископлих, и епископлих, и монастырских, что слободам всем новым тянути з грацкими людми во всякое тягло и з судом. И мы ныне тот приговор помним. В новых слободах ведает бог да ты, государь, опричь суда. А ныне наместники твои царевы государевы и волостели возле тех новых преходцов и старых слобожан хотят судити, и в том тем слобожаном нашим запустети. А преже того, государь, твои наместники и волостели наших слобожан не суживали. И ты бы, государь, своим наместником и волостелем и впредь наших слобожан не велел судити. А ныне твой царский приговор с нами, что в те в новые слободы вышли посадцкие люди после описи, и тех бы людей из новых слобод опять вывести в город на посад. И о том ведает бог да ты, государь, как тебе о них бог известит. А предь бы митрополитом и архиепископом, и епископом, и монастырем держати свое старые слобоДы по старине о суде и о всяких делех по прежним грамотам, а новых бы слобод не ставити, и дворов многих в старых слободах не прибавливати, развес от отца дет ем или от тестя зятии, или от братии выставливатися и своими дворы жити. А опричным прихожим людем градским и сельским в тех старых слободах новых дворов не ставит. А в которых в старых слободах дворы опустеют, и в те дворы называти сельских людей пашенных и непашенных по старине, как преже сего было. А отказывати тех людей о сроце о Георгиеве дни осеннем по государеву указу по старине же. А с посаду людей вперед городских в слободу не называти и не приимати, развес казаков нетяглых людей. А из слобод из митрополичих и из архиепископлих, и епископлих, и из монастырских, которые християне похотят итти в город на посады или в села жити, и тем людем итти вольно о сроце о Юрьеве дни с отказом по нашему царскому указу.

 

ЦАРСКОЕ И СОБОРНОЕ ПОСЛАНИЕ К БЫВШЕМУ МИТРОПОЛИТУ ИАСАФУ И И ЖЕ С НИМ. ГЛАВА 99 

По совету благочестивого царя и митрополита, и архиепископов, и епископов царское предисловие соборному совету и о всяких потребах вопроси, и противу царского предложения ответы святит ельския, писанию преданы, по правилу святых апостол и святых отец и по прежних царских великих князей православных законов. И сия вся писания царских вопросов и святельских ответов посыланы в живоначалъной Троице в Сергиев монастырь к бывшему Иасафу митрополиту и ростовскому архиепископу бывшему Алексею, чюдовскому бывшему архимариту Васьяну, и троецкому бывшему игумену Ионе, и всем соборным старцем. Иасаф митрополит со всеми ими, выслушав царское и святительское уложение, и всему тому соборному уложению согласует вкупе, и о которых делех поразсудя и писанием согласуется со царем и святители. И приказывает с троецким игуменом Серапионом и о осифовским с соборным старцем с Герасимом с Ленковым, и с благовещенским попом Селиверъстом, и сии совет царю государю и святителем и всему собору предан бысть, еже есть сице.

 

ОТВЕТ БЫВШАГО ИОСАФА МИТРОПОЛИТА О ЦАРЕВЕ И ВЕЛИКАГО КНЯЗЯ И МИТРОПОЛИЧЕ ПРИСЫЛКЕ СОБОРНОЙ. ГЛАВА 100

О звону по уставу и по чину монастырскому писано. Тако в монастырех и предлежит чин. А в миру разсужати чины царския и нужи людския. Болярин и дияк, и приказной человек, и служебники всякие, и торговый человек ранней обедни коли не послушает, ино ему николи обедни не слушати, также и больному и старому. А после шестого часа обедни не служити попу, толко по Фаласаеве главе. Позовут попа к нужному болю, опоздает до седмаго часа, обедня заложити ли или служити. И тех нужных в миру и в селах по вся дни много. А в царм чину якоже сам царь восхощет, тако тому и быти по устаили по нужи. О антимисех молвлено. С болшей церкви поллтины, с теплой церкви и с придела пять алтын, а с выставки молвлено, таже бы пять алтын имать. А приговорили десяльником и недельщиком быти по городом со священники и с еловальники, а по волостем не посылати — то добро. А держали бы у себя десятильники из книг противни, у которых попов тавленые есть и подписаны, и которым священникам и старостам приказано сбирати пошлины владычни и митрополичьи. И они бы им давали те противни, и они по тем противням у попов ставленых пытают и отпустных, у которого есть или нет, или не подписаны. И они уличат виноватого, да им срочат в том перед митрополита или перед владыки. А десятильником до того и дела нет, везде ему на ставленой не подписати и отпустные не дати, то дело духовное. А суд уложен по правилом: а рхиманритов и игуменов и всякого священнического и иноческого чина самом святителем судити, — и будет по правилом суд. Ино то достойно и праведно. А только одному таков суд, а иному не таков, ино то не по бозе. Якоже ныне слышим. Да на соборе приговорено, что во всех монастырех архиманритом и игуменом, и строителем, и соборным старцем вкупе в трапезе с братьею ясти и пити, а ества бы и питие всем равно было. А гости лучатся, ино им в трапезе же ясти за гостиным столом. А в келарьской сети великому человеку приезжему по великой нужи. Ино так добре добро. Только Т роецкий монастырь в приговоре не написан, тута так быти невместимо, безпрестани гость бывает день и нощь. Да в приговоре то не написано, чтобы по кельям ества и питие не было. А будет ества и питие по кельям, ино то лицемернии столы будут в трапезе. А о старых и о больных, и которые великие нужные стриглися и великие вкупы давали и вотчины, и на собор в трапезу им ходити невозможно за стол, и тем архиманритом и игуменом не нудити и покоити их нужи, по разсужению и по человеку, как им возможно быти. Или у которого свой покой лучится, нужи для за немощь, или пришлет кто, ино о том не возбраняти, разсужаючи смотря по человеку. А в великих обителях всякие бы квасы были и старые, и черствые, и выкислые, и сладкие, и житные, и сыченые, и простые, чье каково естество подмыет — таким бы и покоити по нeмoщeм. Говорити государю о иконописцех, чтобы на Москве и по всем градом немастерское письмо в рядех иконы собирати, и допытыватися тех иконописцев и впредь им не велети икон писати, дондеже научатся у добрых мастеров. О усгых церквах. Пригоже, государь, лгота им дати, а отдати бы им пошлина десятильнича и заезд и все мелкие пошлины митponoлuчu. А дань митрополича имати на попех да тем церковь оружати. И збирали бы тот приход люди лутчие и сооружали церкви. А священники бы тех церквей жили о приходе да о Церковной земле. О искуплении пленных, чтобы не с сох имати тот откуп, имати бы откупы из митрополичи и из архиепископли, и изо всех владычных казн, и с монастырей со всех, кто чего достоин, как государь ты пожалуешь, положиш, на ком что велишь взяты. А християном государь царь и так твоей много тягли в своих податех. Государь, покажи милость, как тебе государю бог положит на сердце. При отцы твоем имали с митрополита и со архиепископов, и со владык из казны владыке смоленскому пошлина для его недостатков, и они государь о том не тужили, а полоненики, государь, нужнее того. Не написано, государь, в спискех о молодых строех, которые волосаты ходят по миру. Кое бы их, государь, тебе велети их возвестити — не ходили бы по миру молодые робята, се есть не бога ради скитаются, свою волю деют, а мир соблажняют. О скоморосех. Бога ради, государь, вели их извести, кое бы их не было в твоем царстве. Се тебе, государь, великое спасение, аще бесовская игра их не будет. О мелких пустынях. Пригоже, государь, тебе велети их сносити в одну пустыню, где пригоже, или в монастыри упокоити, как им мочно питатися. А всего свыше того, государь, ведает бог да ты, о всем, как тебе бог положит на сердце. А то, государь, все добро, как в сем списке писано от божественного писания и от святых правил. О игумене Иосифе Волоцком. Написано, государь, в твоих спискех у деда твоего, государя нашего, у великого князя Ивана Васильевича на соборе был игумен Иосиф Волоцкой, как, государь, соборовал дед твой и государь наш о вдовых священникех. И на том соборе у деда твоего были многих монастырей честные архимадриты и игумены, и старцы многие тех же монастырей пустынники, которые житием были богу угодны и святое писание известно разумели, потому же, государь, как ныне у тебя государя на соборе многие архиманриты и игумены, и многие старцы изо всех монастырей. И опричь, государь, игумена Иосифа никто не написан, кто у деда твоего был на том соборе. И будет, государь, тебе угодно деда твоего государя нашего тот собор, и ты бы, государь, бога ради и тех честных монастырей архиманритов и игуменов, и старцев велел написати в той статьи во своем списке. А спрашивай, государь, о том соборе боляр своих старых, те, государь, помнят, кто на том соборе был архиманритов и игуменов, и честных старцов. А о всем о том, государь, ведает бог да ты, государь, как тебе царю государю бог известит.

 

ЛЕТА 7059-ГО МАЙЯ 11 ДЕНЬ. ГЛАВА 101

Царь и великий князь Иван Васильевич всея Русии приговорил со отцем своим с Макарием митрополитом всея Русии и со архиепископы и епископы, и со всем собором, что впредь архиепископом и епископом, и монастырем вотчин без царева великаго князя ведома и без докладу не покупати ни у кого. А князем и детем боярским, и всяким людем вотчин без докладу им не продати же. А кто купит, или кто продаст вотчину без докладу, и у тех, кто купит, денги пропали, а у продавца — вотчина. А взяти вотчина на государя и великого князя безденежно. А которые люди наперед сего и по ся места вотчины свои давали в монастыри по своих душах и родителей своих по душах в вечной поминок, или которые впредь учнут потому же вотчины давати в вечной же поминок, а тех вотчин у монастырей никому никак не выкупати. А которые люди вотчины свои в монастыри по ся места давали, да и впредь которые учнут вотчины свои давати в монастыри, а напишет кто в духовной в даных и во всяких крепостях, кому будет до их вотчины роду их и род их скуп дадут столко, сколко в духовной, или в иных в которых крепостех написано дати скупу. И те вотчины вотчичем выкупати по духовным и по даным, и по иным крепостем по старине, по тем же старинным указом, как было при великом князе Иване Васильевиче685 всея Русии. А которые царевы великого князя поместные или черные земли задолжали у детей боярских и у християн и насильством поотнимали владыки и монастыри, или которые земли писцы, норовя, владыкам и монастырем подавали. А называют владыки и монастыри те земли своими, а иные и починки поставляли на государевых землях — и того сыскати, чьи земли были изстари, за тем те земли и учинити. А которые села и волости, и рыбные ловли, и всякие угодия, и оброчные деревни после великого князя Василия боляре подавали архиепископом и епископом и монастырем, и, того сыскав, учинити так, как было при великом князе Василии. А в которые будут монастыри или к которым церквам и нищим в ругах и в милостынях придача ново после великого же князя Василия, и те руги и милостыни новопридачные сыскав оставити, а учините по старине, по тому же, как где давали ругу при великом князе Иване и при великом князе Василье Ивановиче всея Русии. А которые милостыни будут наперед же сего в которые монастыри или к которым церквам времянем шли года в два или в три, или болши, или менши в приказ, а не ежегод, а они будут после великого князя Василия поймали грамоты, что имати им те милостыни ежегод, и того, сыскав, отставити же, а давати им милостыня в приказ по старине же в колко годов, как государь пожалует. А что из старины по уложению великого князя Василия Ивановича всея Русии во Тфери, в Никулине, в Торжку, в 0боленску, на Беле озере, на Рязани мимо тех городов людей иных городов людем вотчин не продавали и по душам в монастыри без докладу не давали. А суздальские князи и ярославские, да стародубские князи без царева и великого князя ведома вотчин своих мимо вотчин не продавали же никому и в монастыри по душам не давали. А ныне де и в тех городех князи и бояре, и дети боярские в монастыри вотчины свои продавали и по душам давали, и впредь во Тфери, и в Микулине, на Беле озере, и на Рязани, и в 0боленску иногородцем вотчин и купель не продавати. И суздальским и ярославским и стародубским князем вотчин никому без царева и великого князя ведома не продавати и по души не дати. А кто вотчину свою без царева великого князя ведома чрез сесъ государев указ кому продаст, и у купца денги пропали, а вотчичи вотчины лишены. А кто без государева ведома в который монастырь вотчину свою даст по душе, и та вотчина у монастыря безденежно же имати на государя. А которые вотчины свои в монастыри по душам до сего государева приговору давали, и тем вотчинам впредь за монастыри и быти, потому что те вотчины даваны в монастыри до сего государева приговора. А кто без государева ведома в сих городех, во Тфери, в Мчлинском, Торжку, в Оболенском, на Беле озере, на Рязани, да суздальским князем, да ярославским князем, да стародубским князем, в который монастырь кто даст по души без государева ведома, и та вотчина у монастырей безденежно же на государи имати. А которые вотчины свои в монастыри по душам до сего государева приговору давали без государева докладу, и те вотчины имати на государя, да за них по мере денги платили, да те вотчины отдавати в поместья. Аминь.

 

ПРИЛОЖЕНИЯ. Соборные приговоры 26 мая и 11 июня 1551 г.

ЛЕТА 7059 МАЙЯ В 26 ДЕНЬ

692 Преосвященный Макарий митрополит московский и всея Русии с сей грамоты дал наутородским священникам, архиепископу Великаго Нова града и Пскова Серапиону, что написано на него от наугородских попов про подводы, как ездил архиепископ к Москве и во Псков и с монастырей и у попов имал подводы. И митрополит приговорил про те подводы сыскати казенными книгами, да допросити игуменов и священников, по сколку у них подвод имал наперед сего, да потому и впредь подводы имати. А праздничнаго имати с попа по алтыну, аз дьякона по три денги. А про тиунския алтыны обыскати, и будет та пошлина тиуну с попов и з дьяконов изстари шла, ино и впредь имать. А будет изстари тое пошлины тиуну не шло, и тое пошлины тиуном впредь не имати. А судити по соборному уложению, и продажи в суде не учинити ни которыми делы, а недельщиков попов и подьяконов не посылати. А денег от поруки не имати. А бояром к полям и х крестному целованию попов не присужати. Обыскивати о всяких делех обыски, и вершити всякия дела вскоре безволокитно, и о всем потому чинити, как в соборном уложении писано. А на выход священникам на собор впредь ходити и за кресты по старине. А который священник или диякон на выход на собор и за кресты не приидет, и на том имати заповеди по новгородской гривне. А скажит которой поп, что на выход не поспел боля для, или родильницы, или которые иныя для нужи, ино про него послать в улицу обыскать в его приходе добрыми людми, и скажут прихожане, что он не был на выходе для нужи, и на тех священниках заповеди не имати, а которой священник и диякон солжет, и прихожане по нем не молвят, и на том священнике заповедь имати, да хоженое. А избирати по всем церквам попов и дияконов прихожаном искусных и грамоте гораздых, и житием непорочных , и приходят с ними ао архиепископу. И архиепископ, их поучив и наказав, благословляет и не емлет с них ничего, разве благословенныя гривны. А от дияконов и от дияков, и от понамарей, и от просвирниц по гривне же. А который поп или диякон овдовеет, а будет у него сын, или брат, или зять, или племянник, а грамоте горазд и искусен, ино его в попы поставити на его место. А коли попы и дияконы всеми соборы служат понахиду на память государей , по великих князех, и на ту память дворецкому и дияком кормити их на Цареве дворе по старине. А котораго попа в его приходе зовут к болю или к родильницы ночью, и им ходити с фонари, по церковной заповеди. А поймают которого попа и диякона нощи без фонаря, и вымут питие, и прикащики церковные емлют на них заповеди по церковному указу. А по другой грамоте тех же новогородских попов и дьяконов, приговорил Макарий митрополит всея Русии со архиепископы и епископы: архиепископу Великаго Новагорода и Пскова Серапиону велети игуменам и попам, и дияконам градским, и ружным у соборные церкви, у Софеи премудрости божий, впредь недели служити по старине. А который игумен или поп недели не служит, и ему давати за службу за недели софейскому попу в собор по гривне постарине, а который гривны не принесет, архиепископу по того попа послати пристава да велети на нем гривну взяти, да приставу хоженое десять денег, архиепископу два рубли промыто. А которыя церкви на посаде праздник, и к тем праздникам протопопу посылати софейскаго диякона служить на праздник, и что прихожане диякону сдают, то ему и есть, а из молебенных ему денег от праздничных попов не имать ничего. Да софейской протопоп Петр сказал, от праздника де им на собор праздничнаго по гривне, а имали де они не на попех, давали де им прихожане. И впредь им такоже на попех праздничный гривны не имати.

ЛЕТА 7059 МЕСЯЦА ИЮНЯ В 11 ДЕНЬ

По государеву цареву и великаго князя Ивана Васильевича всея Русии приказу, приговорил преосвященный Макарий митрополит всея Русии со архиепископы и епископы, и со всем освященным собором, что били челом Великаго Новаграда софейские соборные попы Фома и Михей в Протопопове место и во всех соборных попов и дияконов место, и грамоты свои жалованныя положили. И митрополит Макарий со архиепископы и епископы, по государеву цареву указу велел им по тем грамотам жити во всем по старине. Да что им идет из монастырей просфирная пошлина, и з градских с просфирняв, им те пошлины имати постарине. А которыя монастыри Макарий митрополит учинил общины, а парихожан у тех монастырей нет, а просфирница есть, и с того монастыря с просфирницы пошлин не имать. А в тех место имати им пошлина с новых церквей, с выставок и с ружных. А что у них псковской троецкой протопоп с своим собором емлют антимисы дают, а пошлин им имать за антимис по полуполтине. А челобитные новогородских попов и дияконов соборных за их руками в казне. А уставная грамота лежит в Юрьеве монастыре в казне за казеннаго дияка рукою, наказ всем попам и дияконам, и протопопам, рхиморитам и игуменам.

Стоглав. Главы 1-50